رووداو دیجیتاڵ
دوای نیوەڕۆی ئەمڕۆ هەینی، لە نزیک دەروازەی سنووریی کێلێ لە ئیدارەی راپەڕین، ئۆتۆمبێلێک بەهۆی خێراییەوە کۆنترۆڵی لەدەستدا و هەڵدێرا، بەو هۆیەوە دوو کەس گیانیان لەدەستدا و 7 سەرنشینی دیکەش بریندار بوون.
عەلی عەبدوڵڵا، گوتەبێژی بەڕێوەبەرایەتیی هاتووچۆی راپەڕین بە تۆڕی میدیایی رووداوی راگەیاند، رووداوەکە پاش نیوەڕۆی ئەمڕۆ هەینی 26ی کانوونی یەکەمی 2025 روویداوە.
سەبارەت بە هۆکاری رووداوەکە، گوتەبێژی هاتووچۆی راپەڕین ئاشکرای کرد، ئۆتۆمبێلەکە بەهۆی خێرایی زیادەوە لە رێڕەوی خۆی لایداوە و هەڵدێراوە.
لە ئەنجامی رووداوەکەدا، شۆفێری ئۆتۆمبێلەکە و هاوژینەکەی گیانیان لەدەستداوە و 7 سەرنشینی دیکەش بریندار بوون.
بەپێی زانیارییەکانی رووداو، بەهۆی سەختیی برینەکانیانەوە، چوار لە بریندارەکان، رەوانەی نەخۆشخانەکانی شاری سلێمانی کراون بۆ وەرگرتنی چارەسەری پێویست.
.jpg&w=3840&q=75)
