رووداو دیجیتاڵ
دوو کچی تەمەن 13 ساڵ و 16 ساڵی دانیشتووی قەزای شارەزوور، ماڵیان جێهێشتووە و هیچ هەواڵێک لەبارەیانەوە نییە. خاڵۆیەکیان داوا دەکات هەرکەس زانیاریی لەبارەی کچەکانەوە هەیە، ئاگاداریان بکاتەوە.
کچەکان خوشکن و عەرەبن؛ یەکێکیان ناوی زەهرا عەلا زیائە و ئەوی دیکەش ناوی خەدیجەیە، یەکێکیان لەدایکبووی ساڵی 2010 و ئەوی دیکەش ساڵی 2013یە و لە کازمییەی بەغدا لەدایکبوون، بەڵام لە قەزای شارەزوور لە پارێزگای سلێمانی نیشتەجێن.
عەلی سەباح، خاڵۆی کچەکانە و ئەمڕۆ شەممە بە تۆڕی میدیایی رووداوی گوت، "ئەمڕۆ پێنج رۆژە زەهرا و خەدیجە لە ماڵ دەرچوون و نەگەڕاونەتەوە، سۆراخی زۆرمان کردوون و هێشتا چارەنووسیان نادیارە."
خاڵۆی زەهرا و خەدیجە گوتی، "داواکارین هەرکەسێک زانیاریی لەبارەیانەوە هەیە، ئاگادارمان بکاتەوە، چونکە لە دڵەڕاوکێیەکی زۆرداین."
کەسوکاری ئەو دوو کچە هێزەکانی پۆلیس و ئاسایشیان لە "ونبوون"ی کچەکانیان ئاگادار کردووەتەوە. عەلی سەباح گوتی، "هێزە ئەمنییەکان ژمارەیان وەرگرتین و گوتیان، لە زانینی چارەنووسیان ئاگادارمان دەکەنەوە."
.png&w=3840&q=75)