رووداو دیجیتاڵ
سەرۆکی ئەمریکا گوتی، ئەحمەد شەرع، سەرۆکی کاتیی سووریا پشتیوانیی خۆی بۆی دروستکردنی پەیوەندی لەگەڵ ئیسرائیل دەربڕیوە؛ دەشڵێت، ئەوان کاری زۆریان هەیە بیکەن.
رۆژی چوارشەممە، 14-05-2025 دۆناڵد ترەمپ، سەرۆکی ئەمریکا لەنێو فڕۆکەی ئێیەر فۆرس وەن، کاتێک بەرەو قەتەر بەڕێوەبوو گوتی: "من پێیمگوت [ئەحمەد شەرع]، هیوادارم بەشداریی لە رێککەوتنی ئەبراهام بکەن، دوای ئەوەی خۆتان رێکخستەوە، ئەویش گوتی بەڵێ، بەڵام کاری زۆریان لەپێشە بیکەن."
سەرۆکی ئەمریکا لە وەسفی ئەحمەد شەرع گوتیشی: "ئەو کەسێکی گەنج، رووخۆش، شەڕکەر، بەهێزە و رابردوویەکی بەهێزی هەیە. ئەو دەرفەتی راستەقینەی لەپێشە بۆ ئەوەی هەموو شتێک رێکبخاتەوە."
دەقی قسەکانی دۆناڵد ترەمپ:
ترەمپ: زۆر باشە، پێموایە زۆر باشە. [ئەو] گەنجە، کەسێکی رووخۆشە، پیاوێکی بەهێزە. رابردوویەکی بەهێزی هەیە. رابردوویەکی زۆر بەهێز. شەڕکەرە. ئەو دەرفەتێکی راستەقینەی هەیە بۆ ئەوەی هەموو شتێک رێکبخاتەوە.
رۆژنامەڤان: پێتوایە سووریا دەبێتە بەشێک لە رێککەوتننامەکانی ئەبراهام؟
ترەمپ: "بەڵێ، بەڵام پێموایە پێویستە خۆیان رێکبخەنەوە. من پێیمگوت [ئەحمەد شەرع]، هیوادارم ببیتە بەشێک لەو رێککەوتنە کاتێک کە خۆتان رێکدەخەنەوە و ئەویش گوتی، بەڵێ. بەڵام ئەوان کاری زۆریان لەبەردەمدایە."
