رووداو دیجیتاڵ
بزووتنەوەی حەماس راگەیێندراوێکی لەبارەی ئازادکردنی 20 بارمتەی ئیسرائیلی بڵاوکردەوە و رایگەیاند، ئازادکردنەکە لە چوارچێوەی جێبەجێکردنی قۆناخی یەکەمی "پلانی ترەمپ"دایە بۆ راگرتنی شەڕ.
لە راگەیێندراوەکەی حەماسدا هاتووە، بزووتنەوەکە بەم هەنگاوە پابەندبوونی خۆی بە جێبەجێکردنی بەڵێنەکانی دووپات دەکاتەوە و جەخت لە گرنگیی رۆڵی نێوەندگیرەکان دەکاتەوە بۆ ناچارکردنی ئیسرائیل بە جێبەجێکردنی ئەو ئەرکانەی لە ئەستۆیدایە بەپێی رێککەوتنەکە.
حەماس ئازادکردنی زیندانییە فەلەستینییەکان بە دەستکەوت ناودەبات و دەڵێت، "ئازادکردنی دیلە قارەمانەکانمان، لەنێویاندا ئەوانەی سزای تاهەتایی و سزای قورسیان هەیە و دەیان ساڵیان لە پشت شیشەکانی زیندانەوە بەسەربردووە، بەرهەمی قارەمانێتی و خۆڕاگریی گەلە مەزنەکەمانە لە کەرتی غەززە... ئەمە وەفای موقاوەمەیە بۆ ئەو بەڵێنەی بە گەل و دیلەکانی داوە."
لە بەشێکی دیکەی راگەیێندراوەکەدا، حەماس ئاماژە بەوە دەکات کە ئیسرائیل بە رێگەی سەربازی شکستی هێناوە و هاتووە: "نەتەنیاهوو و سوپاکەی لە دوو ساڵی جەنگی جینۆساید و وێرانکاریدا نەیانتوانی دیلەکانیان بە زەبری هێز ئازاد بکەن، دواجار ناچار بوون ملکەچی مەرجەکانی موقاوەمە بن کە جەختی دەکردەوە تاکە رێگە بۆ گەڕانەوەی سەربازە دیلەکانی، رێککەوتنی ئاڵوگۆڕکردن و کۆتاییهێنانە بە جەنگی جینۆساید."
بزووتنەوەکە دەشڵێت، ئەوان هەموو هەوڵێکیان دا بۆ پاراستنی ژیانی بارمتەکان، سەرەڕای هەوڵەکانی نەتەنیاهوو و سوپای ئیسرائیل بۆ کردنە ئامانج و کوشتنیان، ئەوە لە کاتێکدایە کە دیلە فەلەستینییەکان لە زیندانەکانی ئیسرائیلدا رووبەڕووی هەموو جۆرە پێشێلکارییەک دەبنەوە، لە ئەشکەنجەدانەوە بیگرە تاوەکو دەگاتە سووکایەتی و کوشتن.
حەماس دەڵێت، پرسی دیلەکان وەک یەکێک لە لەپێشینە نیشتمانییەکان بۆ حەماس دەمێنێتەوە و ئارام ناگرن تاوەکو دوایین دیل لە زیندانەکانی ئیسرائیل ئازاد دەکەن و کۆتایی بە داگیرکاریی ئیسرائیل دەهێنن.
بزووتنەوەی حەماس راگەیێندراوێکی لەبارەی ئازادکردنی 20 بارمتەی ئیسرائیلی بڵاوکردەوە و رایگەیاند، ئازادکردنەکە لە چوارچێوەی جێبەجێکردنی قۆناخی یەکەمی "پلانی ترەمپ"دایە بۆ راگرتنی شەڕ.
لە راگەیێندراوەکەی حەماسدا هاتووە، بزووتنەوەکە بەم هەنگاوە پابەندبوونی خۆی بە جێبەجێکردنی بەڵێنەکانی دووپات دەکاتەوە و جەخت لە گرنگیی رۆڵی نێوەندگیرەکان دەکاتەوە بۆ ناچارکردنی ئیسرائیل بە جێبەجێکردنی ئەو ئەرکانەی لە ئەستۆیدایە بەپێی رێککەوتنەکە.
حەماس ئازادکردنی زیندانییە فەلەستینییەکان بە دەستکەوت ناودەبات و دەڵێت، "ئازادکردنی دیلە قارەمانەکانمان، لەنێویاندا ئەوانەی سزای تاهەتایی و سزای قورسیان هەیە و دەیان ساڵیان لە پشت شیشەکانی زیندانەوە بەسەربردووە، بەرهەمی قارەمانێتی و خۆڕاگریی گەلە مەزنەکەمانە لە کەرتی غەززە... ئەمە وەفای موقاوەمەیە بۆ ئەو بەڵێنەی بە گەل و دیلەکانی داوە."
لە بەشێکی دیکەی راگەیێندراوەکەدا، حەماس ئاماژە بەوە دەکات کە ئیسرائیل بە رێگەی سەربازی شکستی هێناوە و هاتووە: "نەتەنیاهوو و سوپاکەی لە دوو ساڵی جەنگی جینۆساید و وێرانکاریدا نەیانتوانی دیلەکانیان بە زەبری هێز ئازاد بکەن، دواجار ناچار بوون ملکەچی مەرجەکانی موقاوەمە بن کە جەختی دەکردەوە تاکە رێگە بۆ گەڕانەوەی سەربازە دیلەکانی، رێککەوتنی ئاڵوگۆڕکردن و کۆتاییهێنانە بە جەنگی جینۆساید."
بزووتنەوەکە دەشڵێت، ئەوان هەموو هەوڵێکیان دا بۆ پاراستنی ژیانی بارمتەکان، سەرەڕای هەوڵەکانی نەتەنیاهوو و سوپای ئیسرائیل بۆ کردنە ئامانج و کوشتنیان، ئەوە لە کاتێکدایە کە دیلە فەلەستینییەکان لە زیندانەکانی ئیسرائیلدا رووبەڕووی هەموو جۆرە پێشێلکارییەک دەبنەوە، لە ئەشکەنجەدانەوە بیگرە تاوەکو دەگاتە سووکایەتی و کوشتن.
حەماس دەڵێت، پرسی دیلەکان وەک یەکێک لە لەپێشینە نیشتمانییەکان بۆ حەماس دەمێنێتەوە و ئارام ناگرن تاوەکو دوایین دیل لە زیندانەکانی ئیسرائیل ئازاد دەکەن و کۆتایی بە داگیرکاریی ئیسرائیل دەهێنن.
