رووداو دیجیتاڵ
سەرۆکی پەرلەمانی ئێران رۆژی یەکشەممە رایگەیاند، لە کاتێکدا خۆپێشاندان لە وڵاتەکە بەردەوامە، ئەگەر ئەمریکا هێرش بکاتە سەر تاران، ئەوا ئەوان بنکە سەربازییەکانی ئەمریکا و کەشتییەکانیان دەکەنە ئامانج.
محەممەد باقر قالیباف، سەرۆکی پەرلەمانی ئێران لە دانیشتنی پەرلەماندا گوتی، "لە ئەگەری هەر هێرشێکی سەربازیی ئەمریکادا، زەوییە داگیرکراوەکان" کە مەبەست لێی ئیسرائیلە و "بنکەکانی سوپای ئەمریکا و کەشتیوانی، دەبنە ئامانجی رەوای ئێمە."
لەنێو پەرلەماندا ئەندامان درووشمی "مەرگ بۆ ئەمریکا"یان دەگوتەوە و باسیان لەوە دەکرد، تەنانەت رەنگە "پێشوەختە" هێرش بکەن ئەگەر هەست بە مەترسی بکەن.
بۆچی دۆخەکە ئاڵۆز بووە؟
• ماوەی دوو هەفتەیە خەڵکی ئێران لە 180 شار رژاونەتە سەر شەقام.
• سەرەتا بەهۆی گرانی و خراپیی دۆخی ئابووری دەستیپێکرد.
• ئێستا دروشمەکان گۆڕاون بۆ رووخانی دەسەڵات.
• زیاتر لە 60 کاژێرە حکومەت ئینتەرنێتی بڕیوە.
کوژراو و دەستگیرکراوان
بەپێی ئاماری رێکخراوەکانی مافی مرۆڤ:
• لانیکەم 116 کەس بە گولـلەی هێزە ئەمنییەکان کوژراون.
• زیاتر لە 2600 کەس دەستگیر کراون.
• حکومەت خۆپێشاندەران بە "ئاژاوەگێڕ" و سیخوڕی دەرەکی تۆمەتبار دەکات و هەڕەشەی سزای سێدارەیان لێ دەکات.
ئەمریکا و ترەمپ چی دەکەن؟
دۆناڵد ترەمپ، سەرۆکی ئەمریکا رایگەیاندووە، ئەوان بەچڕی چاودێریی دۆخەکە دەکەن. هەروەها هۆشداری داوەتە ئێران کە نابێت خۆپێشاندەران بکوژێت و گوتوویەتی "ئەمریکا ئامادەیە بۆ یارمەتیدان".
میدیای ئەمریکا دەڵێت، ترەمپ و راوێژکارەکانی تاوتوێی پلانی هێرشی ئاسمانییان کردووە بۆ سەر شوێنە سەربازییەکانی ئێران، بەڵام تا ئێستا بڕیاری کۆتایی بۆ جەنگ نەدراوە.
سەرۆکی پەرلەمانی ئێران رۆژی یەکشەممە رایگەیاند، لە کاتێکدا خۆپێشاندان لە وڵاتەکە بەردەوامە، ئەگەر ئەمریکا هێرش بکاتە سەر تاران، ئەوا ئەوان بنکە سەربازییەکانی ئەمریکا و کەشتییەکانیان دەکەنە ئامانج.
محەممەد باقر قالیباف، سەرۆکی پەرلەمانی ئێران لە دانیشتنی پەرلەماندا گوتی، "لە ئەگەری هەر هێرشێکی سەربازیی ئەمریکادا، زەوییە داگیرکراوەکان" کە مەبەست لێی ئیسرائیلە و "بنکەکانی سوپای ئەمریکا و کەشتیوانی، دەبنە ئامانجی رەوای ئێمە."
لەنێو پەرلەماندا ئەندامان درووشمی "مەرگ بۆ ئەمریکا"یان دەگوتەوە و باسیان لەوە دەکرد، تەنانەت رەنگە "پێشوەختە" هێرش بکەن ئەگەر هەست بە مەترسی بکەن.
بۆچی دۆخەکە ئاڵۆز بووە؟
• ماوەی دوو هەفتەیە خەڵکی ئێران لە 180 شار رژاونەتە سەر شەقام.
• سەرەتا بەهۆی گرانی و خراپیی دۆخی ئابووری دەستیپێکرد.
• ئێستا دروشمەکان گۆڕاون بۆ رووخانی دەسەڵات.
• زیاتر لە 60 کاژێرە حکومەت ئینتەرنێتی بڕیوە.
کوژراو و دەستگیرکراوان
بەپێی ئاماری رێکخراوەکانی مافی مرۆڤ:
• لانیکەم 116 کەس بە گولـلەی هێزە ئەمنییەکان کوژراون.
• زیاتر لە 2600 کەس دەستگیر کراون.
• حکومەت خۆپێشاندەران بە "ئاژاوەگێڕ" و سیخوڕی دەرەکی تۆمەتبار دەکات و هەڕەشەی سزای سێدارەیان لێ دەکات.
ئەمریکا و ترەمپ چی دەکەن؟
دۆناڵد ترەمپ، سەرۆکی ئەمریکا رایگەیاندووە، ئەوان بەچڕی چاودێریی دۆخەکە دەکەن. هەروەها هۆشداری داوەتە ئێران کە نابێت خۆپێشاندەران بکوژێت و گوتوویەتی "ئەمریکا ئامادەیە بۆ یارمەتیدان".
میدیای ئەمریکا دەڵێت، ترەمپ و راوێژکارەکانی تاوتوێی پلانی هێرشی ئاسمانییان کردووە بۆ سەر شوێنە سەربازییەکانی ئێران، بەڵام تا ئێستا بڕیاری کۆتایی بۆ جەنگ نەدراوە.
.jpg&w=3840&q=75)
