کوردیKURDÎENGLISHTÜRKÇEعربي
Rudaw Logo
راستەوخۆ
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

خەڵاتی باڵۆندۆر

خەڵاتی باڵۆندۆر

راپۆرتە هەواڵ

سوپرایز.. ئاستی تاکەکەس دەبێتە پێوەری سەرەکی پێدانی خەڵاتی باڵۆندۆر

رووداو سپۆرتس

رووداو سپۆرتس

07-09-2026
گوێبگرە
0:00
0:00
قەبارەی دەق
رووداو سپۆرتس
رووداو سپۆرتس07-09-2026

بابەتی پەیوەندیدار

راهێنەری نوێی زاخۆ لە پەیامێکدا بۆ ئەستێرەکانی تیپەکەی: ناو ناخوات و قوربانیدان مەرجە
راپۆرتە هەواڵ18-11-2026

راهێنەری نوێی زاخۆ لە پەیامێکدا بۆ ئەستێرەکانی تیپەکەی: ناو ناخوات و قوربانیدان مەرجە

بارسێلۆنا و ریال مەدرید، کامیان لە مانگە تاقەتپڕوکێنەکە بەسەلامەتی دەردەچن؟
راپۆرتە هەواڵ18-11-2026

بارسێلۆنا و ریال مەدرید، کامیان لە مانگە تاقەتپڕوکێنەکە بەسەلامەتی دەردەچن؟

تەواوی وردەکارییەکانی تیروپشک و قۆناخی کۆتایی نەیشنسلیگی 2027
راپۆرتە هەواڵ17-11-2026

تەواوی وردەکارییەکانی تیروپشک و قۆناخی کۆتایی نەیشنسلیگی 2027


رووداو دیجیتاڵ

گۆڤاری 'فرانس فوتبۆڵ'ی بەخشەری خەڵاتی باڵۆندۆر، گۆڕانکاریی نوێی لە شێوازی دەستنیشانکردنی براوەی خەڵاتەکەدا ئاشکراکردووە و دووپاتیکردووەتەوە، ئاستی تاکیی یاریزان، پێوەری سەرەکی دەبێت لە پێدانی خەڵاتەکەدا.


رۆژنامەی 'سپۆرت'ی ئیسپانی، لە راپۆرتێکی نوێدا تیشکدەخاتە سەر شێوازی هەڵبژاردنی براوەی خەڵاتی باڵۆندۆری ساڵی 2026 و ئاشکرای دەکات، کە گۆڕانکاریی گەورە لە
پێوەرەکانی بەخشینی خەڵاتەکەدا کراوە، بەجۆرێک کە ئاستی تاکەکەسی یاریزانەکان کاریگەریی زۆرتری دەبێت و لە نازناوە بەکۆمەڵەکان، گرنگتر دەبێت.

بەپێی راپۆرتەکە، رێکخەرانی خەڵاتەکە لە 9ـی مانگی هەشتی ئەمساڵدا و تەنیا 3 هەفتە دوای کۆتاییهاتنی مۆندیالی 2026، بابەتێکیان بڵاوکردووەتەوە و تێیدا بە روونی رێنوێنییان
داوەتە ئەو رۆژنامەنووسانەی دەنگ دەدەن، کە دەبێت لەسەر چ بنەمایەک یاریزانەکان هەڵبسەنگێنن و دەنگ بدەنە ئەو یاریزانانەی پێیانوایە شایستەی بردنەوەی باڵۆندۆرن.

گۆڕانکاری لە پێوەرەکاندا

هەرچەندە ئەو گۆڕانکارییانە لە ساڵی 2022ـەوە
لەلایەن گۆڤاری 'فرانس فوتبۆڵ'ەوە کاریان پێدەکرێت، بەڵام دووبارە جەختکردنەوە لێیان لە دوای مۆندیال، ئاماژەیەکی روونە بۆ شێوازی دیاریکردنی براوەی ئەمساڵ.
پێوەرەکان بەپێی ریزبەندی گرنگییان بەم شێوەیەن:

- ئاستی تاکەکەسی، کاریگەریی یەکلاکەرەوە و سەرنجڕاکێشی یاریزان.
- ئاستی بەکۆمەڵ و ئەو نازناوانەی یاریزانەکە لەگەڵ تیپەکەی بەدەستی هێناون.
-  ئاستی یاریزان و گیانی وەرزشی (رەوشت).

خاڵێکی دیکەی گرنگ ئەوەیە کە پێوەری "مێژووی کاروانی وەرزشی" یاریزانەکە بەتەواوی لابراوە، چونکە فەلسەفەی نوێی خەڵاتەکە دەڵێت، "باڵۆندۆر خەڵاتێکی تاکەکەسییە بەر لەوەی هەر شتێکی دیکە بێت".

مۆندیال و چامپیۆنزلیگ

لە هەڵسەنگاندنی شایستەییدا بۆ بەدەستهێنانی خەڵاتەکە لەلایەن هەر یاریزانێکەوە، بەراورد بە رابردوو، گۆڕانکاری کراوە، خەڵاتەکە چیدیکە پشت بە ساڵی زایینی نابەستێت، بەڵکو پشت بە وەرزێکی وەرزشی دەبەستێت (لە مانگی هەشتەوە بۆ مانگی حەوتی ساڵی دواتر)، ئەمەش واتا مۆندیالی 2026 بەتەواوی دەچێتە ناو هەژماری ئەمساڵەوە.

رۆژنامەی 'سپۆرت' چەند نموونەیەکی هێناوەتەوە:
- رۆدری (ئیسپانیا و بارسێلۆنا): وەک باشترین یاریزانی مۆندیال دەستنیشانکرا و لە فیناڵدا بەرامبەر ئەرجەنتین ئاستێکی بێوێنەی پێشکەش کرد (101 پاسی دروست و بردنەوەی 80%ـی ململانێیەکان).

  - کیلیان ئێمباپێ (فەرەنسا): هەرچەندە نازناوی مۆندیال و چامپیۆنزلیگی نەبردەوە، بەڵام گۆڵکاری مۆندیال بوو بە 10 گۆڵ و گۆڵکاری چامپیۆنزلیگ بوو بە 15 گۆڵ، ئەمەش بەپێی پێوەری "ئاستی تاکەکەسی" چانسێکی گەورەی پێدەدات.

  - خڤیشا کڤاراتسخێلیا (پاریس سانجێرمان): وەک باشترین یاریزانی چامپیۆنزلیگ هەڵبژێردرا دوای ئەوەی نازناوەکەی لەگەڵ یانەکەی بردەوە، تۆنی کرووسیش وەک پاڵێوراوی سەرەکی دەیبینێت.

  - ڤیتینیا و دێمبێلێ: یەکەمیان وەک باشترین یاریزانی فیناڵی چامپیۆنزلیگ بەرامبەر ئارسیناڵ دەستنیشانکرا، دووەمیشیان رۆڵێکی یەکلاکەرەوەی هەبوو لە فیناڵ و مۆندیالدا.

  - لامین یامال (بارسێلۆنا): وەک باشترین یاریزانی خولی ئیسپانی دەستنیشانکرا دوای ئەوەی 16 گۆڵ و 12 ئەسیستی هەبوو، ئەمەش وای لێدەکات یەکێک بێت لە ناوە دیارەکان، بۆ بەدەستهێنانی خەڵاتەکە.

فێران تۆرێس و گۆڵی یەکلاکەرەوە راپۆرتەکە ئاماژەی بەوەش کردووە کە گۆڵە مێژووییەکەی فێران تۆرێس لە خولەکی 106ـی یاریی کۆتایی مۆندیال بەرامبەر ئەرجەنتین، کە نازناوەکەی بۆ ئیسپانیا بردەوە، تەنیا وەک 'ساتێکی یەکلاکەرەوە' هەژمار دەکرێت، بەڵام بە تەنیا بەس نییە بۆ بردنەوەی خەڵاتەکە، چونکە باڵۆندۆر هەڵسەنگاندن بۆ تەواوی وەرزەکە دەکات نەک تەنیا یەک یاری.

کەی براوەکە دیاری دەکرێت؟ 

بڕیارە سبەی، لیستی 30 پاڵێوراوی کۆتایی لەسەرئاستی پیاوان و ئافرەتان بڵاوبکرێتەوە. دوای ئەوە، پڕۆسەی دەنگدانەکان دەستپێدەکات و بڕیارە لە 26ـی مانگی دەی داهاتوو، لە ئاهەنگێکی گەورەدا لە لەندەنی پایتەختی بەریتانیا، ناوی براوەی باڵۆندۆری 2026 ئاشکرا بکرێت.

بابەتی پەیوەندیدار

راهێنەری نوێی زاخۆ لە پەیامێکدا بۆ ئەستێرەکانی تیپەکەی: ناو ناخوات و قوربانیدان مەرجە
راپۆرتە هەواڵ18-11-2026

راهێنەری نوێی زاخۆ لە پەیامێکدا بۆ ئەستێرەکانی تیپەکەی: ناو ناخوات و قوربانیدان مەرجە

بارسێلۆنا و ریال مەدرید، کامیان لە مانگە تاقەتپڕوکێنەکە بەسەلامەتی دەردەچن؟
راپۆرتە هەواڵ18-11-2026

بارسێلۆنا و ریال مەدرید، کامیان لە مانگە تاقەتپڕوکێنەکە بەسەلامەتی دەردەچن؟

تەواوی وردەکارییەکانی تیروپشک و قۆناخی کۆتایی نەیشنسلیگی 2027
راپۆرتە هەواڵ17-11-2026

تەواوی وردەکارییەکانی تیروپشک و قۆناخی کۆتایی نەیشنسلیگی 2027

پێشنیازەکان

ئەمەنەش ببینە