رووداو دیجیتاڵ
یانەی بارسێلۆنا درێژەی بە دەستپێکە سەرنجڕاکێشەکەی لە خولی ئیسپانیادا دا، دوای ئەوەی سەرکەوتنێکی گەورەی بە ئەنجامی 7-2 بەرامبەر رایسینگ تۆمارکرد، لە چوارچێوەی یارییەکانی گەڕی شەشەمی خولەکەدا، بەمەش شەشەم سەرکەوتنی لەسەرەیەکدی بەدەستهێنا.
بارسێلۆنا ئاستێکی هێرشبەری بەهێزی لە یارییەکەدا پێشکێش کرد و رافینیا ئەستێرەی دیاری رووبەڕووبوونەوەکە بوو دوای ئەوەی هاتریکی تۆمارکرد، لە کاتێکدا جواو کانسێلۆ یەکەم گۆڵی خۆی لەم وەرزەدا تۆمارکرد.
یارییەکە هەروەها فەوتاندنی لێدانی سزای لەلایەن لامین یامالەوە بەخۆیەوە بینی، بەڵام دواتر گەڕایەوە و حەوتەم گۆڵی یانە کەتەلۆنییەکەی تۆمارکرد. لە لایەکی دیکەوە بارسێلۆنا لە نێوان هەردوو گێمەکەدا ناچار بوو گۆڵپارێزەکەی بگۆڕێت، دوای ئەوەی خوان گارسیا تووشی کێشەی جەستەیی هات و چێزنی لە شوێنی بەشداری کرد.
چێزنی تووشی هەڵەیەکی کوشندە هات و گۆڵی دووەمی بەخشیە رایسینگ لە رێگەی یاسر زابیرییەوە، کە ئەمە شەشەم گۆڵی ئەو یاریزانە بوو لەم وەرزەی خولی ئیسپانیادا.
لە لایەکی دیکەوە، گابریێل جیسوس هێرشبەرە نوێیەکەی بارسێلۆنا بە پاسێکی لامین یامالەوە گۆڵێکی سەرنجڕاکێشی تۆمارکرد.
دوای ئەم سەرکەوتنە، بارسێلۆنا ژمارەی خاڵەکانی بۆ 18 خاڵ بەرزکردەوە، بەردەوامە لە پێشەنگایەتیکردنی ریزبەندی لالیگا، لە کاتێکدا ژمارەی خاڵەکانی رایسینگ لەسەر 7 خاڵ وەستا.
هاوكات ریال مەدرید بە کۆکردنەوەی 15 خاڵ لە پلەی دووەمی ریزبەندی جێگیر بووە.
