رووداو دیجیتاڵ
دوای 18 دۆڕانی لەسەریەك، سان ئانتۆنیۆ سپێرز جارێکی دیکە بە بردنەوە شادبووەوە کاتێك میوانداری لۆس ئانجلس لەیکەرزی کرد و یارییەکەی بە ئەنجامی 129-115 لێبردەوە.
سپێرز بەباشی دەستی بە یارییەکە کرد و توانی نیوەی یەکەم بە ئەنجامی 69-62 لە بەرژەوەندی خۆی کۆتایی پێبهێنێت.
ئاستە باشەکەی سپێرز درێژەی کێشا، لە نیوەی دووەمدا یانەکە توانی حەوت خاڵی دیکە بخاتە سەر جیاوازییەکە و یارییەکە بە ئەنجامی 129-115 لە بەرژەوەندی سان ئانتۆنیۆ سپێرز کۆتایی هات.
دوای 18 یاری، ئەمە یەکەمین بردنەوەی سان ئانتۆنیۆ سپێرز بوو لەوەتەی رۆژی 2ـی مانگی 11ـی ئەمساڵ کاتێك لە فینیکسی بردەوە، بەمەش ریکۆردی درێژترین زنجیرە دۆڕانی لە مێژووی یانەکەدا شکاند کاتێك وەرزی رابردوو 16 یاری لەسەریەكی دۆڕاندبوو.
