رووداو دیجیتاڵ
لە خولی باسکەی ئەمریکا، یانەی دیترۆیت پیستنس، ریکۆردێکی مێژوویی تۆمارکرد کاتێک میوانداری یانەی بروکلین نێتسی کرد و تووشی 27ـەمین دۆڕانی لەسەریەک بوو، کە ئەمە درێژترین زنجیرەی دۆڕانە یانەیەک لە مێژووی خولەکەدا تۆماریکردبێت.
هەر لە سەرەتاوە نێتس باڵادەستی خۆی بەسەر یارییەکەدا سەپاند و نیوەی یەکەمی بە ئەنجامی 61-54 لە بەرژەوەندی خۆی کۆتایی پێهێنا.
لە نیوەی دووەمدا پیستنس هەوڵی گەڕانەوەیدا، بەڵام تەنیا یەک خاڵی لە جیاوازییەکە کەمکردەوە و نەیتوانی ئەنجامەکە یەکسانبکاتەوە، یارییەکە بە ئەنجامی 118-112 لە بەرژەوەندی بروکلین نێتس کۆتایی هات.
