رووداو دیجیتاڵ
بارسێلۆنا بەسەرکردایەتی هانزی فلیکی راهێنەری ئەڵمانی، بەردەوامە لەسەر بردنەوەکانی و دەستگرتن بە پێشەنگی لالیگاوە، کە ئەمجارەش رۆبێرت لیڤاندۆڤسکی بە ئاستێکی سەرسوڕهێنەر سەرکەوتنێکی دیکەی گرنگی بە بلاوگرانا بەخشی.
بارسێلۆنا لە گەڕی نۆیەمی لالیگادا لەسەر یاریگای مێندیزۆرۆزا بووە میوانی دیپۆرتیڤۆ ئالاڤێس و بە 3-0 لێیبردەوە
پیاوی بێ رکابەری یارییەکە رۆبێرت لیڤاندۆڤسکی، ئەستێرەی پۆڵەندی بوو کە هاتریکی تۆمارکرد و سێ خاڵی نوێی بە بارسا بەخشی.
لیڤا تەنیا 7 خولەکی پێویست بوو بۆ ئەوەی بارسا بە گۆڵیک پێشبخات.
دواتر ئەو ایریزانە لە خولەکی 22 گۆڵی دووەمی خۆی و یانەکەی تۆمارکرد و دوای 10 خولەکی دیکە گۆڵی هاتریکی تۆمارکرد و یارییەکە تاوەکوفیکەی کۆتایی ناوبژیوان بەم ئەنجامە مایەوە
بەم سەرکەوتنە بارسێلۆنا کۆی خاڵەکانی گەیاندە 24 خاڵ لە پێشەنگی ریزبەندی خولی ئیسپانیا، ئالاڤێس تەنیا 10 خاڵی هەیە و لە پلەی دوانزەیەمدایە.
