رووداو دیجیتاڵ
کارلۆ ئەنچێلۆتی، راهێنەری یانەی ریال مەدرید رەخنەی تووندی لە دەستەی لالیگا گرت، پاشئەوەی یاریزانەکانی ناچاربوون لەماوەی کەمتر لە 72 کاژێر، دوو یاریی ئەنجام بدەن.
راهێنەری ریال مەدرید، بەرپرسانی خولەکە تۆمەتبار دەکات بەوەی داهات و مافی پەخشی تەلەڤزیۆنیی یارییەکان دەخەنە پێش بەرژەوەندیی و تەندروستیی یاریزانانەوە و ئەمەش کاریگەری لەسەر ئاستی یاریزانان هەیە و مەترسی پێکانیان زیاد دەکات.
ناڕەزایەتییەکانی ئەنچێلۆتی، دوای سەرکەوتنی ریال مەدرید بەرامبەر ڤیاریال لە خولی ئیسپانیا دێت. وێڕای بردنەوەکە، ئەنچێلۆتی گلەیی لە خشتەی یارییەکانی تیپەکەی گرت، بەتایبەت کە یاریزانەکانی کەمتر لە 72 کاژێر پشوویان لە نێوان هەردوو یاریی بەرامبەر ئاتلێتیکۆ مەدرید لە چامپیۆنزلیگ و ڤیاریال لە لالیگا هەبووە.
راهێنەری ریال مەدرید دەڵێت "ئەمە دوایینجارە یاری دەکەین بەبێ ئەوەی لانیکەم 72 کاژێر پشوو وەربگرین. دووجار داوای گۆڕینی خشتەی یارییەکانمان کرد، بەڵام بەرپرسانی لالیگا گوێیان لێنەگرتین، لە کاتێکدا یاریزانەکانمان پێویستیان بە کات و پشوو هەبوو، بۆئەوەی بە باشترین توانای جەستەیی بگەن".
کارلۆ باسی خولەکە دەکات و دەڵێت لای بەڕێوەبەرانی لالیگا پارە و گرێبەستە تەلەڤزیۆنییەکانیان هەمیشە لەپێش هەموو شتێکەوەن.
لێدوانەکانی ئەنچێلۆتی تیشک دەخەنە سەر پرسێکی درێژخایەن لە تۆپی پێدا سەبارەت بە ئەنجامدانی یاریی زۆر لە ماوەیەکی کەمدا.
زۆر لە یانەکان بەتایبەت ئەوانەی لە چەندین پاڵەوانێتیدا بەشداری دەکەن، کێشەیان هەیە لە بەڕێوەبردنی خشتەکانیان. نەگونجانی خشتەی یارییەکان، دەبێتە هۆی ماندوێتی و ئەگەری زیاتری پێکان و دابەزینی ئاستی یاریزان.
لەبەرامبەر ئەم دۆخەدا، یانەی ریال مەدرید رێوشوێنی فەرمی دەگرێتەبەر بە پەیوەندیکردن بە فیفا. یانەکە داوای مامەڵەی دادپەروەرانە دەکات لە یارییەکانی داهاتوودا. هەروەها کەناڵی فەرمیی یانەی ریال مەدرید رەخنە لە خاڤیێر تێباسی سەرۆکی لالیگا دەگرێت و دەڵێت "رێگە بەو پێشێلکارییەی تێباس لیگ نادرێت".
لە بڵاوکراوەکەیدا ریال مەدرید راستەوخۆ لالیگا تۆمەتبار دەکات بەوەی کە خشتەی یارییەکان بەهەڵە بەڕێوەدەبەن و دۆخی یاریزانەکانیان پشتگوێ خستووە.
پرسی زۆریی یارییەکان بەردەوامە لە گەورەبوون و پێشبینی دەکرێت لە وەرزی 2024-2025دا ببێتە کێشەیەکی گەورەتر. جامی جیهانی یانەکانی فیفا فراوانتر دەبێت و 32 تیپ بەشداری تێدا دەکەن.
لەگەڵ زیادبوونی ژمارەی یارییەکان، یانەکان و یاریزانەکان نیگەرانن لەوەی کە چۆن مامەڵە لەگەڵ ئەو هەموو یارییەدا بکەن.
ئەم دۆخە پرسیاری گرنگ لەبارەی هاوسەنگی نێوان بەرژەوەندییە بازرگانییەکان و توانای جەستەیی یاریزانەکان دەورووژێنێت. لە کاتێکدا تۆپی پێ بازرگانییەکی جیهانییە کە پشت بە گرێبەستی پەخشکردن و سپۆنسەر دەبەستێت، بەڵام سەلامەتیی یاریزانانیش پێویستە لە پێشینەی کارەکان بێت.
زۆر لە یاریزانان و راهێنەران بەردەوامن لە لێدوان لەسەر پێویستیی باشترکردنی خشتەی یارییەکان بۆ رێگریکردن لە پێکان و باشتر ئامادەبوون بۆ یارییەکان.
کاردانەوە تووندەکانی ئەنچێلۆتی و کردەوەکانی ریال مەدرید، گوشاریان خستووەتەسەر بەڕێوەبەرانی لالیگا بۆ ئەوەی پێداچوونەوە بکەن بۆ خشتەی یارییەکان. ئەگەر یانەکانی دیکەش نیگەرانیی هاوشێوە بخەنەڕوو، ئەوا رەنگە دەزگاکانی بەرێوەبردنی تۆپی پێ ناچار بکات هەنگاو بنێن بۆ هاوسەنگکردنەوەیەکی دادپەروەرانە لەنێوان بەرژەوەندییە بازرگانییەکان و توانای جەستەیی یاریزانان.
کارلۆ ئەنچێلۆتی، راهێنەری یانەی ریال مەدرید رەخنەی تووندی لە دەستەی لالیگا گرت، پاشئەوەی یاریزانەکانی ناچاربوون لەماوەی کەمتر لە 72 کاژێر، دوو یاریی ئەنجام بدەن.
راهێنەری ریال مەدرید، بەرپرسانی خولەکە تۆمەتبار دەکات بەوەی داهات و مافی پەخشی تەلەڤزیۆنیی یارییەکان دەخەنە پێش بەرژەوەندیی و تەندروستیی یاریزانانەوە و ئەمەش کاریگەری لەسەر ئاستی یاریزانان هەیە و مەترسی پێکانیان زیاد دەکات.
ناڕەزایەتییەکانی ئەنچێلۆتی، دوای سەرکەوتنی ریال مەدرید بەرامبەر ڤیاریال لە خولی ئیسپانیا دێت. وێڕای بردنەوەکە، ئەنچێلۆتی گلەیی لە خشتەی یارییەکانی تیپەکەی گرت، بەتایبەت کە یاریزانەکانی کەمتر لە 72 کاژێر پشوویان لە نێوان هەردوو یاریی بەرامبەر ئاتلێتیکۆ مەدرید لە چامپیۆنزلیگ و ڤیاریال لە لالیگا هەبووە.
راهێنەری ریال مەدرید دەڵێت "ئەمە دوایینجارە یاری دەکەین بەبێ ئەوەی لانیکەم 72 کاژێر پشوو وەربگرین. دووجار داوای گۆڕینی خشتەی یارییەکانمان کرد، بەڵام بەرپرسانی لالیگا گوێیان لێنەگرتین، لە کاتێکدا یاریزانەکانمان پێویستیان بە کات و پشوو هەبوو، بۆئەوەی بە باشترین توانای جەستەیی بگەن".
کارلۆ باسی خولەکە دەکات و دەڵێت لای بەڕێوەبەرانی لالیگا پارە و گرێبەستە تەلەڤزیۆنییەکانیان هەمیشە لەپێش هەموو شتێکەوەن.
لێدوانەکانی ئەنچێلۆتی تیشک دەخەنە سەر پرسێکی درێژخایەن لە تۆپی پێدا سەبارەت بە ئەنجامدانی یاریی زۆر لە ماوەیەکی کەمدا.
زۆر لە یانەکان بەتایبەت ئەوانەی لە چەندین پاڵەوانێتیدا بەشداری دەکەن، کێشەیان هەیە لە بەڕێوەبردنی خشتەکانیان. نەگونجانی خشتەی یارییەکان، دەبێتە هۆی ماندوێتی و ئەگەری زیاتری پێکان و دابەزینی ئاستی یاریزان.
لەبەرامبەر ئەم دۆخەدا، یانەی ریال مەدرید رێوشوێنی فەرمی دەگرێتەبەر بە پەیوەندیکردن بە فیفا. یانەکە داوای مامەڵەی دادپەروەرانە دەکات لە یارییەکانی داهاتوودا. هەروەها کەناڵی فەرمیی یانەی ریال مەدرید رەخنە لە خاڤیێر تێباسی سەرۆکی لالیگا دەگرێت و دەڵێت "رێگە بەو پێشێلکارییەی تێباس لیگ نادرێت".
لە بڵاوکراوەکەیدا ریال مەدرید راستەوخۆ لالیگا تۆمەتبار دەکات بەوەی کە خشتەی یارییەکان بەهەڵە بەڕێوەدەبەن و دۆخی یاریزانەکانیان پشتگوێ خستووە.
پرسی زۆریی یارییەکان بەردەوامە لە گەورەبوون و پێشبینی دەکرێت لە وەرزی 2024-2025دا ببێتە کێشەیەکی گەورەتر. جامی جیهانی یانەکانی فیفا فراوانتر دەبێت و 32 تیپ بەشداری تێدا دەکەن.
لەگەڵ زیادبوونی ژمارەی یارییەکان، یانەکان و یاریزانەکان نیگەرانن لەوەی کە چۆن مامەڵە لەگەڵ ئەو هەموو یارییەدا بکەن.
ئەم دۆخە پرسیاری گرنگ لەبارەی هاوسەنگی نێوان بەرژەوەندییە بازرگانییەکان و توانای جەستەیی یاریزانەکان دەورووژێنێت. لە کاتێکدا تۆپی پێ بازرگانییەکی جیهانییە کە پشت بە گرێبەستی پەخشکردن و سپۆنسەر دەبەستێت، بەڵام سەلامەتیی یاریزانانیش پێویستە لە پێشینەی کارەکان بێت.
زۆر لە یاریزانان و راهێنەران بەردەوامن لە لێدوان لەسەر پێویستیی باشترکردنی خشتەی یارییەکان بۆ رێگریکردن لە پێکان و باشتر ئامادەبوون بۆ یارییەکان.
کاردانەوە تووندەکانی ئەنچێلۆتی و کردەوەکانی ریال مەدرید، گوشاریان خستووەتەسەر بەڕێوەبەرانی لالیگا بۆ ئەوەی پێداچوونەوە بکەن بۆ خشتەی یارییەکان. ئەگەر یانەکانی دیکەش نیگەرانیی هاوشێوە بخەنەڕوو، ئەوا رەنگە دەزگاکانی بەرێوەبردنی تۆپی پێ ناچار بکات هەنگاو بنێن بۆ هاوسەنگکردنەوەیەکی دادپەروەرانە لەنێوان بەرژەوەندییە بازرگانییەکان و توانای جەستەیی یاریزانان.
