رووداو دیجیتاڵ
لە شەوی یاریی کۆتایی چامپیۆنزلیگدا، لەنێوان هەردوو یانەی پاریس سانجێرمانی فەرەنسی و ئینتەرمیلانی ئیتاڵی 2 کەس گیانیانلەدەستدا و دەیان کەسی دیکەش برینداربوون.
لە شەقامەکانی پاریس و شوێنە گشتییەکانی ئەو شارە، هەزاران هاندەر بۆ سەیرکردنی یارییەکە کۆبوونەوە، دوای بردنەوەی نازناوەکە لەلایەن پاریس سانجێرمانەوە، لەنێو ئاهەنگی هاندەرانی یانە فەرەنسییەکەدا گرژی و ئاڵۆزییەکی زۆر روویدا، سەرەڕای ئەوەی ژمارەیەکی زۆری پۆلیس بە شارەکەدا بڵاوکرابوونەوە، بەڵام نەیانتوانی دۆخەکە کۆنتڕۆڵ بکەن.
بەپێی هەواڵی میدیای فەرەنسا، بەهۆی شەڕ و ئاژاوەوە 462 کەس لەلایەن پۆلیسی فەرەنساوە دەستگیرکراون، 2 کەس گیانیانلەدەستداوە، کە یەکێکیان ژنێکی 20 ساڵە و ئەوەی دیکەیان کوڕێکی 17 ساڵە و بە چەقۆ کوژراوە، هەر لەنێو شەڕ و ئاژاوەکەدا 192 کەسی دیکە برینداربوون و هێرشکراوەتە سەر شوێنە گشتییەکانیش.
گرژی و ئاڵۆزییەکە تاوەکو بەرەبەیانی ئەمڕۆ بەردەوامبوو و پۆلیسی فەرەنسا دوای چەندین کاژێر رووبەڕووبوونەوەیان لەگەڵ هاندەران و بەکارهێنانی گازی فرمێسک رێژ توانیی بڵاوە بە هاندەران بکەن.
شەقامەکانی پاریس، سەرەڕای ئەوەی یانەکەیان نازناوەکەی بردەوە، پڕبوون لە ئاسەوار و پاشماوەی شەڕی نێوان هاندەر لەگەڵ هاندەر و هاندەر لەگەڵ پۆلیس.
A French police officer is fighting for his life in hospital after last night’s violent riots in France which were sparked by PSG winning the Champions League final in Munich pic.twitter.com/s4spJI7IwB
— Visegrád 24 (@visegrad24) June 1, 2025
