رووداو دیجیتاڵ
لە ئەنجامی تەقینەوەیەک کە لە کاتی ئاهەنگێکی بووک گواستنەوە لە شارۆچکەی عابدینی رۆژئاوای دەرعای سووریا روویدا، 33 هاووڵاتی بریندار بوون.
ئەمڕۆ هەینی زیاد مەحامید، بەڕێوەبەری تەندروستیی دەرعا رایگەیاند، 19 بریندار گەیێندراونەتە نەخۆشخانەی نیشتمانیی دەرعا، 6 بریندار بۆ نەخۆشخانەی نیشتمانیی تەفەس و 8 برینداریش بۆ بنکەی تەندروستیی شارۆچکەی شەجەرە گوێزراونەتەوە؛ ئاماژەی بەوەشکرد، منداڵ لەنێو بریندارەکاندا هەن.
بەڕێوەبەری تەندروستیی دەرعا دەڵێت، "دەستمان کردووە بە دابینکردنی چاودێریی پزیشکیی پێویست بۆ بریندارەکان و پێداویستییە پزیشکییە بەپەلەکان."
هاوکات موەفەق مەحموود، سەرۆکی شارەوانیی شارۆچکەی مەعرییە و عابدین رایگەیاند، "چەند کەسێکی نەناسراو دوو نارنجۆکیان فڕێداوەتە شوێنی بەڕێوەچوونی ئاهەنگەکە، ئەوەش بووەتە هۆی برینداربوونی ژمارەیەک لە ئامادەبووانی ئاهەنگەکە."
موەفەق مەحموود ئاماژەی بەوەش کرد، "برینەکان لەنێوان سووک و مامناوەنددان، جگە لە بریندارێک کە برینەکەی سەختە چونکە قاچێکی پەڕیوە."
بەگوێرەی میدیای فەرمیی سووریا، هێزەکانی ئاسایشی نێوخۆ دەستیان کردووە بە لێکۆڵینەوە لە تەقینەوەکە کردووە "بۆ زانینی وردەکارییەکان و دڵنیابوونەوە لە سزادانی ئەنجامدەرانی."
لە ئەنجامی تەقینەوەیەک کە لە کاتی ئاهەنگێکی بووک گواستنەوە لە شارۆچکەی عابدینی رۆژئاوای دەرعای سووریا روویدا، 33 هاووڵاتی بریندار بوون.
ئەمڕۆ هەینی زیاد مەحامید، بەڕێوەبەری تەندروستیی دەرعا رایگەیاند، 19 بریندار گەیێندراونەتە نەخۆشخانەی نیشتمانیی دەرعا، 6 بریندار بۆ نەخۆشخانەی نیشتمانیی تەفەس و 8 برینداریش بۆ بنکەی تەندروستیی شارۆچکەی شەجەرە گوێزراونەتەوە؛ ئاماژەی بەوەشکرد، منداڵ لەنێو بریندارەکاندا هەن.
بەڕێوەبەری تەندروستیی دەرعا دەڵێت، "دەستمان کردووە بە دابینکردنی چاودێریی پزیشکیی پێویست بۆ بریندارەکان و پێداویستییە پزیشکییە بەپەلەکان."
هاوکات موەفەق مەحموود، سەرۆکی شارەوانیی شارۆچکەی مەعرییە و عابدین رایگەیاند، "چەند کەسێکی نەناسراو دوو نارنجۆکیان فڕێداوەتە شوێنی بەڕێوەچوونی ئاهەنگەکە، ئەوەش بووەتە هۆی برینداربوونی ژمارەیەک لە ئامادەبووانی ئاهەنگەکە."
موەفەق مەحموود ئاماژەی بەوەش کرد، "برینەکان لەنێوان سووک و مامناوەنددان، جگە لە بریندارێک کە برینەکەی سەختە چونکە قاچێکی پەڕیوە."
بەگوێرەی میدیای فەرمیی سووریا، هێزەکانی ئاسایشی نێوخۆ دەستیان کردووە بە لێکۆڵینەوە لە تەقینەوەکە کردووە "بۆ زانینی وردەکارییەکان و دڵنیابوونەوە لە سزادانی ئەنجامدەرانی."
