رووداو دیجیتاڵ
ئەنجوومەنی ئاسایشی نیشتمانیی تورکیا لە کۆشکی بێشتەپەی سەرۆکایەتیی کۆمار لە ئەنقەرەی پایتەختی وڵاتەکە کۆبووەوە.
كۆبوونهوهكه ئەمڕۆ پێنجشەممە 22ی ئایاری 2025 به سهرۆكایهتیی رهجهب تهیب ئهردۆغان، سهرۆككۆماری توركیا و ئامادهبوونی یاریدەدەری سهرۆككۆمار، وهزیرانی داد، ناوخۆ، بهرگری، دهرهوه و سهرۆكی میت، سوپاسالار، فهرماندهیی هێزهكانی ئاسمانی، دهریایی، وشکانی، سوپای یهك و دوو، هێزهكانی تایبهت و ئهندامانی دهستهی شوڕای سهربازیی بەڕێوەچوو.
کۆبوونەوەکە کاژێر 16:30 دوور له چاوی كامێراكان دەستیپێکرد.
چاوەڕوان دەکرێت دوای کۆبوونەوەکە، راگەیێندراوی کۆتایی بڵاوبکرێتەوە و رۆژەڤی کۆبوونەوەکان ئاشکرا بکرێت. میدیای فەرمیی تورکیاش بڵاویکردەوە، دوایین پێشهاتەکانی پرۆسەی چارەسەری کە تورکیا بە پرۆسەی "تورکیایەکی بێ تیرۆر" ناوی دەبات، لەگەڵ دوایین پێشهاتەکانی سووریا و چەندین پرسی ناوخۆیی، هەرێمی و نێودەوڵەتیی لە رۆژەڤی کۆبوونەوەکاندا دەبێت.
ئهنجوومهنی ئاسایشی نیشتمانیی توركیا، یهكێكه له دامهزراوه ههره گرنگ و ههستیارهكانی دهوڵهتی توركیا و تێیدا بڕیاری چارهنووسساز و گرنگ بهتایبهتی له رووی سهربازیی و ئهمنی، بهرهنگاربوونهوهی تیرۆر، جەنگ و ئاشتی و چهندین پرسی دیكهی گرنگ دهخرێنه بهرباس و لێكۆڵینهوه.
