بە وێنە؛ 'دوو دانیشتن' لە چین

ئەو دوو کۆبوونەوانە کۆنگرەی نیشتیمانی گەل، و کۆنفرانسی راوێژکاری سیاسی گەلی چین-ن. 

ساڵانە لە یەکەم رۆژی کۆبوونەوەکاندا پلانی ساڵی ئاییندە رادەگەیێنرێت بۆ ئەم ساڵ لەلایەن سەرۆکوەزیران لی چیانگ دەبێت و راپۆرتی ساڵی رابردووش دەخرێتە روو.  

خوێندنەوە بۆ پڕۆژە یاساکانی بودجەی سەربازی، حکومەتی ناوەندی و حکومەتی خۆجێی و گەشەسەندنی ئابووری و کۆی گشتیی بەرهەمی نێوخۆش دەکرێت.

کۆبوونەوەکان حەوت رۆژ  لە هۆڵی گەورەی گەل بەڕێوەدەچن کە دەکەوێتە باشووری 'کۆشکی قەدەخەکراو'. 

بۆ ئەم ساڵ 2960 نوێنەر لە هەر 31 هەرێم و ئیدارە سەربەخۆکانی چین بەشدارن، کە رێژەی ژن 26٪ تێپەڕاندووە و رێژەی کەمیەنکانی چینیش لە کۆبوونەوەکاندا 15٪ـە.  

زۆربەر بەشداربووان یان بە جلی فەرمی و رەنگی رەش یان جلی کولتووریی نەتەوەی خۆیان لە کۆبوونەوەکاندا ئامادەدەبن. 

زیاتر لە 240 نوێنەر لە هێزی سەربازیی چین بەشدارن و ئەوان بە جلی فەرمیی سەربازی نوێنەرایەتی خەڵک دەکەن. 

هەرچەندە مەرج نییە بەشداربووان ئەندام بن لە حزبی کۆمیونیستی چینی، بەڵام زیاتر لە 70٪ـی ئەندامان لەم حیزبەن.