رووداو دیجیتاڵ
بەشێک لە پاسکیلسوارەکانی مەکسیکن لە ویلایەتی خالیسکۆی رۆژئاوای ئەو وڵاتە. لە رۆژی جیهانیی لێخوڕینی پاسکیلدا بەم جۆرە دەردەکەون.
میگێل ئاسا، هاووڵاتییەکی مەکسیکیە و دەڵێت، "ئەمە بۆ بڵاوکردنەوەی هۆشیارییە کە ئێمەش مرۆڤین و شوێنە گشتییەکان بۆ هەمووانن. پێویستە ئازادانەتر بجووڵێینەوە و هەوڵی دروستکردنی کۆمەڵگەیەکی گشتگیر و یەکگرتوو بدەین. یەکێک لە کێشەکان ئەوەیە کە شۆفێران رێز لە پیادەکان و پاسکیلسواران ناگرن".
تەنیا ئەم ساڵ لەو ویلایەتە 12 پاسکیلسوار بە رووداوەکانی هاتووچۆ گیانیان لەدەستداوە.
پار 16 هەزار کەس لەو وڵاتە بە رووداوەکانی هاتووچۆ گیانیان لەدەستدا کە 1٪یان پاسکیلسوار و 17٪یان پیادە بوون.
کارلا مێندز، قوتابییە و دەڵێت، "خۆپێشاندان دەکەین بۆ ئەوەی بزانن ئێمە لێرەین. رووتین و دەتوانن بمانبینن؛ ئەمەش دروشمی ئێمەیە".
بەگوێرەی رێکخراوی تەندروستیی جیهانی، ساڵانە بەهۆی رووداوەکانی هاتووچۆوە 41 هەزار پاسکیلسوار گیانلەدەست دەدەن. لە دەیەیەکدا، مردنی پاسکیلسوارەکان بە رووداوەکانی هاتووچۆ 70٪ بەرزبووەتەوە.
