ئەمڕۆ دووشەممە، 20-1-2025، دۆناڵد ترەمپ بۆ جاری دووەم وەکو سەرۆکی ئەمریکا دەچێتەوە کۆشکی سپی، بەڵام ئەم جارەیان وەکو 47ـەمین سەرۆکی ئەو وڵاتە.
دۆناڵد ترەمپ لە 2017 تاوەکو 2021 سەرۆکی ئەمریکا بوو بۆ جاری یەکەم. لە 2020 جۆ بایدن لە هەڵبژاردن لێی بردەوە و نەیهێشت دوو جار لەسەریەک ببێتە سەرۆک. لە هەڵبژاردنی 2024 دا، ترەمپ لە رکابەرە دیموکراتەکەی، کامالا هاریسی بردەوە و ئەمڕۆ بۆ جاری دووەم دەبێتەوە بە سەرۆک.
چاوەڕێ دەکرێت بە دەستبەکاربوونی ترەمپ سیاسەتی ئەمریکا، بەتایبەت سیاسەتی دەرەوەی ئەو وڵاتە گۆڕانکاریی زۆر بەخۆیەوە ببینێت.
