نەتەوە یەکگرتووەکان پێشوازی لە بڕیارەکەی پەکەکە دەکات

رۆژی دووشەممە، 12ـی ئایاری 2025، ستیفان دووجاریک، گوتەبێژی سکرتێری گشتیی نەتەوە یەکگرتووەکان لە کۆنفڕانسێکی رۆژنامەڤانیدا لە نیویۆرک بە سینان تونجدەمیر، پەیامنێری رووداوی گوت، "سکرتێری گشتیی پێشوازی لە بڕیارەکەی پارتی کرێکارانی کوردستان بۆ خۆهەڵوەشاندنەوە و چەکدانان دەکات."

هەروەها گوتەبێژەکەی سکرتێری گشتیی نەتەوە یەکگرتووەکان رایگەیاند، "ئەم بڕیارە، ئەگەر جێبەجێ بکرێت، هەنگاوێکی دیکەی گرنگە بەرەو چارەسەرێکی ئاشتییانەی ململانێ درێژخایەنەکە."

پارتی کرێکارانی کوردستان (پەکەکە) رۆژی یەکی ئاداری 2025 ئاگربەستی راگەیاند، ئەوەش دوای بانگەوازی عەبدوڵڵا ئۆجەلان کە رۆژی 27ـی شوبات بە ناونیشانی "بانگەوازی ئاشتی و کۆمەڵگەی دیموکراسی" بڵاوکرایەوە و داوای چەکدانان و هەڵوەشاندنەوەی پەکەکەی کرد.

دوای بەستنی کۆنگرەی 12یان لە سەرەتای ئەم مانگە، ئەمڕۆ دووشەممە، 12-5-2025 پەکەکە بڕیاری چەکدانان و خۆهەڵوەشاندنەوەی دا و رایگەیاند، بڕیارەکە "بۆ چارەسەری دیموکراتی و ئاشتییەکی دوورمەودایە."

پارتی کرێکارانی کوردستان ساڵی 1978 لە باکووری کوردستان دامەزرا، ساڵی 1982 لە کۆنگرەی دووەم دا بڕیاری چەکهەڵگرتنی دژی دەوڵەتی تورکیا پەسند کرد، لە 18ـی ئابی 1984 یەکەم شەڕی لە دژی تورکیا کرد.

ستێفان دووجاریک، گوتەبێژی سکرتێری گشتیی نەتەوە یەکگرتووەکان: شایانی نییە. خۆشحاڵم بە دیدارت.

ستێفان دووجاریک، گوتەبێژی سکرتێری گشتیی نەتەوە یەکگرتووەکان: ئێمە پێشوازی لەو بڕیارە دەکەین کە ئەمڕۆ لەلایەن پارتی کرێکارانی کوردستانەوە درا، بەتایبەتی لەسەر پرسی چەکدانان. هیوادارین ئەمە دەستپێکی زۆرێک لە پرسە کۆنەکانی پەیوەست بەو ململانێیە بێت کە پەکەکەی تێدا بووە.

ستێفان دووجاریک، گوتەبێژی سکرتێری گشتیی نەتەوە یەکگرتووەکان: دەبێت دڵنیابینەوە لەوەی کە چ نەتەوە یەکگرتووەکان بێت، ئەگەر داوامان لێ بکرێت بەشدار بین، یان کۆمەڵگەی نێودەوڵەتی، هەمووان بە یەک ئاواز کار بکەن. روونە کە لایەنەکان گەیشتوونەتە رێککەوتن. پێموایە لەو ساڵانەدا کۆژانێکی زۆر هەبووە، پێویستە دڵنیابین لەوەی کە پشتگیری لە پرۆسەیەکی ئاشتییانە دەکەین، پرۆسەی چەکدانان، لەوەی کە مافی هەموو کەسێک لە هەموو شوێنێکی جیهاندا مسۆگەر کراوە کە لە جاڕنامەی جیهانیی مافەکانی مرۆڤدا ئاماژەی پێکراوە.

ستێفان دووجاریک، گوتەبێژی سکرتێری گشتیی نەتەوە یەکگرتووەکان: ئەوە پرسیارێکە ناتوانم وەڵامی بدەمەوە. ئێمە بەشێک نەبووین لەم رێککەوتنە، بۆیە ناتوانم بڵێم چ گەرەنتییەک دەدرێت. ئەوەی دەتوانم بیڵێم و دووبارەی بکەمەوە ئەوەیە، کە کۆمەڵگەی نێودەوڵەتی پێویستە هەموو شتێک بکات بۆ یاوەری کردنی لایەنەکان. بۆ دڵنیابوون لەوەی کە ئێمە ناگەڕێینەوە دواوە،  ئەوەی کە ئەمە لە راستیدا دەستپێکی زۆرێک لە پرسە هەڵپەسێردراوەکانە.

ستێفان دووجاریک، گوتەبێژی سکرتێری گشتیی نەتەوە یەکگرتووەکان: ئەمڕۆ راپۆرتەکانمان بینی کاتێک دەزگەیەکی راگەیاندن گوتی، ئێمە کار لەسەر رادەستکردنی چەکەکان دەکەین. بەپێی زانیارییەکانی من، ئەوە راست نییە. پێموایە ئەو راپۆرتە کەمێک لە راستی دوور بوو. با بزانین لە داهاتوودا چی روودەدات، بەڵام ئێستا کە تۆ پرسیارم لێدەکەیت، ئەوە شتێک نییە کە ئێمە لە راستیدا کاری لەسەر بکەین.

ستێفان دووجاریک، گوتەبێژی سکرتێری گشتیی نەتەوە یەکگرتووەکان: پێموایە سکرتێری گشتی، با بە شێوەیەکی دیکە بیڵێمەوە، ئەنتۆنیۆ گوتێرێز، پێش ئەوەی ببێتە سکرتێری گشتی، کۆمیسیاری باڵای مافەکانی مرۆڤ بوو. بۆیە پرسی کورد، پرسی کوردستان، پرسێکە کە ئەو بە تەواوی دەیزانێت. من بۆ سەردانێک بۆ کوردستانی عێراق یاوەرییم کردووە. پرسێکە کە لە دڵیەوە نزیکە،  ئەوەی دەیەوێت بیبینێت ئەوەیە کە خەڵکی بە ئاشتی بژین. خەڵکی لەو شوێنەی کە هەن بژین، لەو شوێنەی کە مافیان هەیە بژین و پارێزراو بن. ئەویش دەیەوێت کۆتایی ململانێکان ببینێت، ئێمەش هیوادارین ئەمە هەنگاوێک بێت بە ئاراستەی راست، لە راستیدا دەشزانین کە وایە.

ستێفان دووجاریک، گوتەبێژی سکرتێری گشتیی نەتەوە یەکگرتووەکان: نەخێر، ئەم سەردانە سەردانێکی دووقۆڵی نییە، ئەمە سەردانێکە بۆ عێراق چونکە عێراق میوانداریی لووتکەی کۆمکاری دەوڵەتانی عەرەبی دەکات. بۆیە هەر کاتێک لوتکەیەک لە وڵاتێکدا بکرێت، ئەویش لەگەڵ سەرکردەکانی ئەو وڵاتە کۆدەبێتەوە، بۆیە کۆبوونەوەی دووقۆڵی لەگەڵ بەرپرسە باڵاکانی عێراق دەکات، بەڵام هیچ پلانێکی گەشتکردن لە دەرەوەی بەغدا نییە.

ستێفان دووجاریک، گوتەبێژی سکرتێری گشتیی نەتەوە یەکگرتووەکان: هەمیشە خۆشحاڵم کە لە رووداوم.