فران درێشەر بووە خاوەن ئەستێرەیەک لە هۆڵیوود

 

درێشەر، زیاتر بە رۆڵی (فران فاین) لە زنجیرە تەلەڤیزیۆنییە بەناوبانگەکەی (The Nanny) ناسراوە، نزیکەی 50 ساڵە لە بواری نواندندایە.

 

لە ماوەی رابردوودا وەک سەرۆکی سەندیکای ئەکتەرانی شاشە، سەرکردایەتیی مانگرتنە مێژووییەکەی ئەکتەرانی کرد و کەوتە بەرچاوی میدیاکان.

 

لە رێوڕەسمەکەدا، ژمارەیەک لە هاوڕێ بەناوبانگەکانی ئامادەبوون، لەوانە لیزا ئان واڵتەر و هەروەها نیکۆڵ تۆم و مادڵین زیما، کە لە زنجیرەی (The Nanny)ـدا رۆڵیان گێڕابوو.

 

ئەستێرەکەی درێشەر، 2,822ـەمین ئەستێرەیە کە لەو رێڕەوەدا دادەنرێت.

 

بڕیارە ئەمڕۆ چوارشەممە 1ـی تشرینی یەکەمی 2025، مۆزەخانەی هۆڵیوود پێشانگەیەکی تایبەت بە کاروانی هونەریی فران درێشەر بکاتەوە.