چراخان رەفیق هاوکاریی سەرکەوت قوربانی دەکات
چراخان رەفیق، خانمە بازرگانی کورد، هاوکاری ماددی پێشکەش بە هونەرمەندی میللی سەرکەوت قوربانی دەکات، کە ماوەیەک بوو بەهۆی نەخۆشییەوە لە نەخۆشخانەیەکی شاری هەولێر خەوێندرابوو.
سەرکەوت قوربانی، بە تۆڕی میدیایی رووداو-ی راگەیاند، "دەمەوێت زۆر سوپاسی خاتوو چراخان رەفیق بکەم، کە وەک خانمە بازرگانێک هاوکاری کردووم و تەواوی تێچووی نەشتەرگەری و گەشتکردنمی بۆ ئەڵمانیا لە ئەستۆ گرت".
لای خۆیەوە، چراخان رەفیق خانمە بازرگانی کورد بۆ رووداو ئاشکرایکرد و گوتی، "کاتێک هەواڵی ناجێگیری باری تەندروستی سەرکەوت قوربانیم بیست پێم ناخۆش بوو، وەک ئەرکێکی مرۆڤایەتی بڕیارمدا تەواوی تێچووی نەشتەرگەری و چارەسەری لە ئەڵمانیا لە ئەستۆ بگرم، بەپێی توانا هاوکاری هەموو هونەرمەندێک دەکەم".
هونەرمەند میللی شاری هەولێر، سەرکەوت قوربانی، لە مانگی ئاداری ساڵی رابردوو لە کاتی گۆرانیگوتن جەڵتە لێیدا و ماوەیەک لە نەخۆشخانە خەوێندرا، تۆڕی میدیایی رووداو چەندین جار هەواڵی ناجێگیری تەندروستی ئەو هونەرمەندەی بڵاوکردەوە.