ئەحمەد رۆناک بەرهەمێکی نوێ لە جەژندا بڵاودەکاتەوە

 

ئەحمەد رۆناک، بە رووداوی راگەیاند، بەرهەمی نوێی بەناوی "ناهێڵم"ـە و وەکو جەژنانە؛ لە جەژنی رەمەزاندا پێشکێش بە هۆگرانی گۆرانیی کوردی دەکات.

 

ئاماژەی بۆ ئەوەشکرد، "ناهێڵم" لە تێکستی بازۆیە و لە ئاوازی خۆیەتی و ناوەڕۆکێکی سۆزداری هەیە.

 

گوتیشی، ڤیدیۆکلیپی گۆرانییەکە لەلایەن بازۆ پڕۆدەکشن کراوە و لە دەرهێنانی نەریمان سابیرە و لە سلێمانی وێنەگیراوە. 

 

ئەحمەد رووناک لە 2022 دوایین ڤیدیۆکلیپی بڵاوکردەوە کە سێ گۆرانی لەخۆگرتبوو، یەکەمیان بەناوی "توڕە مەبە"، دووەمیان بەناوی "خۆزگەم بە پار" و سێیەمیان بەناوی "گەلەکە"یە.

 

ئەحمەد رووناک لەدایکبووی هەولێرە، یەکەم بەرهەمی بەناوی "خۆت دڵت داپێم" لە 2005 بڵاوکردەوە، دواتر دوو بەرهەمی دیکەی بەناوی "تو نزانی" و "بێ تۆیی" بڵاوکردەوە. 

 

لە 2011 بەرهەمێکی بەناوی "دوا گۆرانی" بڵاوکردەوە کە ئاماژەیەک بوو بۆ ئەوەی چیتر گۆرانی نەڵێتەوە، لە 2021 دووبارە بۆ خۆشەویستی رۆناکی دایکی بەرهەمێکی بەناوی "بۆ دایکم" بڵاوکردەوە.