حەسەن ئەمین نوێترین بەرهەمی بۆ یەکەمجار لە رێگەی رووداو بڵاودەکاتەوە

 

حەسەن ئەمین، بە رووداوی راگەیاند، ئەم بەرهەمە لە تێکستی ئەلند مزیرییە و لە ئاوازی خۆیەتی، دابەشکردنی میوزیکی لەلایەن نیوار عیسمەت و میکس و ماستەرینگی لەلایەن جودی حەمۆ کراوە.

 

ئاماژەی بۆ ئەوەشکرد، ناوەڕۆکی گۆرانییەکە باس لە دوورکەوتنەوە لە ئەویندار دەکات، لە هەمانکاتتدا هیوای دووبارە بینینەوەیەتی، بە هەمان شێوە دوورکەوتنەوەی یەکجاریی و بێگەڕانەوەیە.

 

ڤیدیۆکلیپی گۆرانییەکە لە نێو سرووشتدا وێنەگیراوە و لە دەرهێنانی مازن ئیسیانییە و بەڕێوەبەرایەتیی رۆشنبیری و هونەری دهۆک لە بەرهەمهێنانی گۆرانییەکەدا هاوکار بووە و بڕیارە ئەمڕۆ پێنجشەممە 4ـی کانوونی دووەمی 2023 لە تۆڕە کۆمەڵایەتییەکاندا بڵاوبکرێتەوە.