"Fantastic Four" لە پێشەنگی بۆکس ئۆفیسدا دەمێنێتەوە

 

فیلمی "The Fantastic Four: First Steps" لەم هەفتەیەدا 40 ملیۆن دۆلاری لە چوار هەزار و 125 سینەمای ئەمریکای باکوور بەدەستهێنا. ئەمەش دابەزینێکی 66%ـی داهاتی فیلمەکەیە بە بەراورد بە هەفتەی یەکەمی کردنەوەی کە 117.6 ملیۆن دۆلار بوو.

 

لە بەرامبەردا، فیلمی کۆمیدی و ئەنیمەیشنی نوێی "The Bad Guys 2" لە یەکەم هەفتەی پێشاندانی لە ریزبەندی دووەمی بۆکس ئۆفیسیدا هات، بە کۆکردنەوەی 22 ملیۆن دۆلار لە سێ هەزار و 852 سینەما. ئەم داهاتە لە ئاستی پێشبینییەکاندا بوو و نزیکە لە داهاتی بەشی یەکەمی زنجیرەکە، کە لە 2022ـدا 23 ملیۆن دۆلاری کۆکردبووەوە.

 

هەروەها فیلمە کۆمیدییەکەی کۆمپانیای پاراماونت بەناوی "The Naked Gun"، لە یەکەم هەفتەی پێشاندانیدا؛ بە کۆکردنەوەی 17 ملیۆن دۆلار، ریزبەندی سێیەمی بەدەستهێنا.

 

فیلمی "Superman"ـی دەرهێنەر جەیمس گەن، کە چوار هەفتەیە نمایش دەکرێت و داهاتی جیهانیی 550 ملیۆن دۆلاری تێپەڕاندووە، ئەم هەفتەیە لەنێوخۆی ئەمریکادا 13.8 ملیۆن دۆلاری دیکەی کۆکردەوە و لە ریزبەندی چوارەمدا هات. 

 

لە دوای ئەویش فیلمی "Jurassic World Rebirth" بە کۆکردنەوەی 8.7 ملیۆن دۆلار دێت.

 

بەپێی داتاکانی کۆمپانیای " Comscore" لیستی داهاتی خەمڵێندراوی 10 فیلمە لە رۆژانی هەینی تاوەکو یەکشەممە لە سینەماکانی ئەمریکای باکوور:

 

" The Fantastic Four: First Steps" – داهاتی 40 ملیۆن دۆلارە

 

"The Bad Guys 2" – داهاتی 22.2 ملیۆن دۆلارە

 

"The Naked Gun" – داهاتی 17 ملیۆن دۆلارە

 

"Superman" – داهاتی 13.8 ملیۆن دۆلارە

 

"Jurassic World Rebirth" – داهاتی 8.7 ملیۆن دۆلارە

 

"Together" – داهاتی 6.8 ملیۆن دۆلارە

 

"F1: The Movie" – داهاتی 4.1 ملیۆن دۆلارە

 

"I Know What You Did Last Summer" – داهاتی 2.7 ملیۆن دۆلارە

 

"Smurfs" – داهاتی 1.8 ملیۆن دۆلارە

 

"How to Train Your Dragon" – داهاتی 1.4 ملیۆن دۆلارە