رەحمە ریاز گۆرانی بۆ مۆندیال دەڵێت

 

بەرهەمەکە بەناوی'Light The Sky'یە و جگە لە رەحمە ریاز، نورا فەتحی، هونەرمەندی مەغریبی و بەلقیس، هونەرمەندی یەمەنی لەم بەرهەمەدا بەشدارن و بە ئینگلیزی گۆرانی دەڵێن.

 

هەر لەم بەرهەمەدا ریدوەن، دی جەی مەغریبی – سوێدی بەشدارە و لە کەناڵی تایبەتی فیفا لە یوتیوب بڵاوکراوەتەوە.

 

رەحمە ریاز، بە یەکێک لە ناسراوترین گۆرانیبێژەکانی عێراق دەناسرێت و هۆگری زۆری لە عێراق و وڵاتانی عەرەبی هەیە و کچی ریاز ئەحمەد، هونەرمەندی کۆچکردووی عێراقییە.

 

یەکێک لە بەرهەمەکانی ئەو گۆرانیبێژە بەناوی 'کەوکەب'ـە و تەنیا بە دەنگ بڵاوکراوەتەوە و زیاتر لە 142 ملیۆن بینەری هەیە.

 

ئەمساڵ جامی جیهانی لە 20-11-2022 تاوەکو 18-12-2022 لە قەتەر بەڕێوەدەچێت و یەکەمجارە ئەو رووداوە وەرزشییە گرنگە لە وڵاتێکی عەرەبی بەڕێوەدەچێت.