کەسایەتییە جیهانییەکان لە پۆستکاردەکانی ئامانج ئەمین

 

ئامانج ئەمین، لەبارەی پێشانگەکەی دەڵێت: "پۆستکارد، تەنیا نامەیەکی وێنەیی نییە، بەڵکو رەنگدانەوەی كاتێكە، لە توێی وردەكارییەكانیدا، رووخساری كەسانێك نیشان دەدەم كاریگەرییان هەبووە، بە هەڵبژاردنی هێما، هێڵ، رەنگ و نەخشە، وەكو نێردەری ئەم پۆستكاردانە خۆم لەنێویان جێدێڵم و بەم شێوەیە ديدگە و روانگەم بۆتان دەردەبڕم".

 

پێشانگەکە بەناونیشانی "پۆستکارد"ـە و ئێوارەی شەممە 8ـی شوباتی 2025 لە چوارچێوەی پڕۆژەی "هێلان" لە گەلەری فرێمینگ لە هەولێر کرایەوە و یەک مانگ بەردەوام دەبێت.

 

"هێلان" پڕۆژەیەکی هونەریی فێرگەی فرێمینگ بۆ وێنەی رۆژنامەوانیی و گەلەری سێڤە.