لە پێشانگەی جنێڤ ژمارەیەک ئۆتۆمبێلی سپۆرت نمایشکران
رووداو - جنێڤ
لە پێشانگەی نێودەوڵەتی ئۆتۆمبێل لە جنێڤ، ژمارەیەک ئۆتۆمبێلی سپۆرت نمایشکران، کە سەرنجی ئامادەبووانیان راکێشا.
88ـممین خولی پێشانگەی نێودەوڵەتی ئۆتۆمبێل لە جنێڤ ماوەی چەند رۆژێکە دەستیپێکردووە، هەزاران رۆژنامەڤان و دەزگای راگەیاندن رووماڵی چالاکییەکانی دەکەن.
ژمارەیەکی زۆر گەشتیار بۆ بینین و هەندێکیشیان بۆ کڕینی ئۆتۆمبێلی نوێ و گرانبەها سەردانی پێشانگەکەیان کردووە.
نوێنەری کۆمپانیای هۆندای ئۆتۆمبێلێکی سپۆرت بە بینەرانی رووداو دەناسێنێت و دەڵێت "ئەمە ئۆتۆمبێلی هۆندای ئێن ئێس ئێکسە. خاوەنی 500 هێزی ئەسپە، بزوێنەرەکەی بە سووتەمەنی کار دەکات. سێ ماتۆڕی ئەلیکترۆنی هەیە، کە بە هەموویان 580 هێزی ئەسپ و 630 نیوتن مەتر دروستدەکەن".