سیڤان کوردۆ لە شەقام و شوێنە گشتییەکاندا گۆرانی بۆ خەڵک دەڵێت

 

کوردۆ، لە کاتی گۆرانیگوتن بە ڤیدیۆ تۆماریان دەکات و لە تۆڕە کۆمەڵایەتییەکاندا بڵاویان دەکاتەوە و بەهۆیەوە ناوبانگی پەدایکردووە.

 

سیڤان کوردۆ، دەنگخۆشە و لە منداڵییەوە گۆرانی دەڵێت، بەڵام ماوەی دوو مانگە لە تۆڕە کۆمەڵایەتییەکاندا ڤیدیۆی بڵاودەکاتەوە و ئێستا خوێندکاری زانکۆیە و لە قۆناخی چواری بەشی ئینگلیزی دەخوێنێت.

 

سیڤان کوردۆ، لە هەواڵە هونەرییەکانی رووداو بەشداربوو کە جگە لە رۆژی هەینی، رۆژانە لە کاژێر 10:40ـی بەیانی لەلایەن بانوو دڵشاد پێشکێش دەکرێت، تێیدا ئاماژەی بۆ ئەوەکرد، ئەو بۆ دڵخۆشی خەڵک گۆرانی دەڵێت و هەرکەسێک لە شەقام و شوێنە گشتییەکاندا داوای لێبکات گۆرانیان بۆ دەڵێت.

 

ئەوەشی خستەڕوو، زۆربەی ئەو گۆرانیانەی خەڵک داوای دەکەن، بەرهەمی فۆلکلۆری کوردین، هەروەها بەرهەمی هەردوو هونەرمەند زەکەریا عەبدوڵڵا و زیاد ئەسعەدن.

 

جگە لە گۆرانیگوتن لە شەقام و شوێنە گشتییەکاندا، سیڤان کوردۆ خاوەنی دوو بەرهەمی تایبەت بە خۆیەتی و ئێستا ئامادەکاری بۆ بەرهەمی نوێ دەکات و بە چەند زمانێک گۆرانی دەڵێت.