هێڵی ڵەڤ: ماسۆنی نیم و زانیاریشم لەسەریان نییە
رووداو - هەولێر
كچە گۆرانیبێژی كورد هێڵی ڵەڤ، هەموو ئەو دەنگۆ و قسە و قسەڵۆكانە رەتدەكاتەوە كە دەربارەی كلیپەكەی دەگوترێن و دەڵێت "من ماسۆنی نیم و هیچ زانیارییەكم لەسەر ماسۆنییەت نییە".
هێڵی ڵەڤ دوای بڵاوبوونەوەی كلیپێكی بەناوی (risk it all) كە زۆربەی دیمەنەكانی لەسەر قەڵاتی هەولێر وێنەی گیرابوو، رووبەڕووی قسەیەكی زۆر بووەوە بەهۆی دەركەوتنی چەند هێمایەك كە هەندێك كەس بە نیشانەی "ماسۆنیەت" لێكیاندایەوە.
بەڵام هێڵی لەڤ ئەو لێكدانەوانەی بۆ كلیپەكەی دەكرێن رەتدەكاتەوەو لە هەڤپەیڤینێكدا لەگەڵ (رووداو) دەڵێت پێش ئەوەی كلیپەكەی بڵاوبكاتەوە دەیزانی خەڵك كاردانەوەیان هەر دەبێت، رەخنەی لێدەگرن و دەستخۆشی لێدەكرێت، بەڵام پێشبینی نەكردووە رەخنەكان بگەنە ئەو راددەیەی كە بە ماسۆنی ناوی بهێنن.
كچە گۆرانیبێژی كورد هێڵی ڵەڤ، لە بنەڕەتدا خەڵكی دهۆكە، لە شاری ورمێ لە رۆژهەڵاتی كوردستان لەدایكبووە، لە فینلەندا گەورە بووە و ئێستاش لە ولایەتە یەكگرتووەكانی ئەمریكا لەژێر سەرپەرشتی یەكێك لە بەناوبانگترین مامۆستاكانی هونەر، كە The – Dreamە كاری هونەری دەكات.
هێڵی كە ئێستا لە شاری هەولێرە بە مەبەستی ئەنجامدانی كاری هونەری و كاری مرۆیی، لە ماوەی رابردوودا كۆتایی بە كارەكانی كلیپی گۆرانییەكی ئینگلیزی بە ناوی (risk it all) هێنا. هێڵی ڵەڤ لە كلیپەكەدا داوا لە ژنانی كورد دەكات نەترسێن، هەر بە تاتۆش لەسەر لاملی خۆی نووسیوە "نەترسێن".
Hellyluvـە نەك hell love
ئەو گۆرانیبێژە ناوی هێلان عەبدوڵڵایە، بەڵام ناسناوی هێڵی ڵەڤە، ئەو پێشتر لە بارەی ناوەكەی بە (رووداو)ی گوتبوو "هێڵی" كورتكراوەی ناوی خۆم (هێلان)ە، ڵەڤیش پاشگرە كە بە زمانی ئینگلیزی واتا خۆشەویستی، هیچ وشەیەكم نەدۆزییەوە كە ماناكەی لە مانای خۆشەویستی بەهێزتر بێت، بۆیە ئەو نازناوەم بۆ خۆم هەڵبژارد.
بەڵام زۆر لەوانەی كە قسەیان لەسەر كلیپەكە كردووە لە تۆڕە كۆمەڵایەتییەكان، نووسیویانە هێڵی ڵەڤ، بە مانای "خۆشەویستی جەهەننەم – hell love" دێت. هێڵی لەو بارەیەوە گوتی "خۆم ناوم هێلانە، زۆركەس لە خۆشەویستی پێمدەڵێن هێڵی، ڵەڤیش پاشگرێكە بۆ ناوەكەم و هەموومان دەزانین مانای چییە، هیچ وشەیەكیشم نەدۆزییەوە كە ماناكەی لە مانای خۆشەویستی بەهێزتر بێت".
هەر لە كلیپەكەی هێڵیدا هێمایەك دەردەكەوێت كە بریتییە لە هەڕەمێكی هەڵگەڕاوە و وێنەی سەری پشیلەیەكی رەشی تێدایە، زۆر كەس ئەوەی بە نیشانەی ماسۆنیەت لێكداوەتەوە.
نیشانەی مێینەیە
هێڵی لەوبارەیەوە دەڵێت "ئەگەر هێماكانی ناو كلیپەكەم تەعبیر لە ماسۆنیەت بكات، ئەوا دەبێت هەرچی سێگۆشە هەیە قەدەغە بكرێت، وەك پەنیری سێگۆشە، خانووی سێگۆشە و زۆر شتی دیكە، هێماكانی ماسۆنیەت لە هی من جیاوازە، ئەوەی من سێگۆشەیەكی سەرەو ژێرە و پشیلەیەكی لەناوە كە زیاتر سیمبولی مێینەیە نەك هێمای ماسۆنیەت".
هێڵی ڵەڤ رەتیكردەوە كە ئەو ماسۆنی بێت و دەڵێت "من ماسۆنی نیم و هیچ زانیاریەكی وام سەبارەت بە ماسۆنیەت نییە، بەڵام وەك گوێم لێبووە لە ساڵانی هەشتاكانەوە مۆدێلی ماسۆنیەت نەماوە لە ئەمریكا و ئەوروپا".
هێڵی ڵەڤ پێیوایە زۆربەی خەڵكی كوردستان هیچ شتێك لەبارەی ماسۆنیەت نازانن. گوتیشی "ئەوانەی ئەو پڕوپاگەندانەیان بڵاوكردووەتەوە گوایە من بانگەشەی ماسۆنیەت دەكەم، ئەوانە خۆیان ماسۆنین و دەیانەوێت لەسەر حسابی من بازاڕی ماسۆنیەت گەرم بكەن".
هێڵی ڵەڤ باسی ناوەڕۆكی كلیپەكەی دەكات و دەڵێت "من ویستوومە كارێكی جیاواز بكەم و پێشانی هەموو جیهانی بدەم كە كورد ئافرەتی بەهێزی هەیە و شان بە شانی پیاوان بەشداری شەڕی كردووە، ناونیشانی كلیپەكەش زۆر بە ئاسانی دیارە كە مەبەستی لەوەیە مرۆڤ دەچێتە ناو شەڕ بێ ئەوەی بزانێ دەمرێت یان دەژیت".
هێڵی ڵەڤ ئاماژەی بەوەدا كە خەڵكێكی زۆریش لەسەر ئەو كارە دەستخۆشییان لێكردووە، بۆیە ئەوەش وەكو پاڵپشتێك بۆ خۆی دەبینێت و دەڵێت ئەو پڕوپاگەندانە نایترسێنن و ساردی ناكەنەوە "هەرگیز نەترساوم و ناشترسم لە هیچ شتێك، چونكە ئەگەر تۆ كارێكی وا مەزن بكەی ئەوا دەبێت لە هیچ شتێك نەترسی".
هێڵی لەڤ لە كلیپەكەیدا شێری بەكارهێناوە و دەڵێت "شێر بە مانای چاونەترسی و ئازایەتی و بەهێزی دێت، تا ئێستا هیچ هونەرمەندێكی كورد شێری راستەقینەی لە كلیپدا بەكارنەهێناوە". گوتیشی "بە نامە لە وڵاتانی عەرەبی، لە ئەمریكاو ئەوروپاوە دەستخۆشیم لێدەكرێت و داوا دەكەن بچمە وڵاتەكەیان".
كچە گۆرانیبێژی كورد هێڵی ڵەڤ، هەموو ئەو دەنگۆ و قسە و قسەڵۆكانە رەتدەكاتەوە كە دەربارەی كلیپەكەی دەگوترێن و دەڵێت "من ماسۆنی نیم و هیچ زانیارییەكم لەسەر ماسۆنییەت نییە".
هێڵی ڵەڤ دوای بڵاوبوونەوەی كلیپێكی بەناوی (risk it all) كە زۆربەی دیمەنەكانی لەسەر قەڵاتی هەولێر وێنەی گیرابوو، رووبەڕووی قسەیەكی زۆر بووەوە بەهۆی دەركەوتنی چەند هێمایەك كە هەندێك كەس بە نیشانەی "ماسۆنیەت" لێكیاندایەوە.
بەڵام هێڵی لەڤ ئەو لێكدانەوانەی بۆ كلیپەكەی دەكرێن رەتدەكاتەوەو لە هەڤپەیڤینێكدا لەگەڵ (رووداو) دەڵێت پێش ئەوەی كلیپەكەی بڵاوبكاتەوە دەیزانی خەڵك كاردانەوەیان هەر دەبێت، رەخنەی لێدەگرن و دەستخۆشی لێدەكرێت، بەڵام پێشبینی نەكردووە رەخنەكان بگەنە ئەو راددەیەی كە بە ماسۆنی ناوی بهێنن.
كچە گۆرانیبێژی كورد هێڵی ڵەڤ، لە بنەڕەتدا خەڵكی دهۆكە، لە شاری ورمێ لە رۆژهەڵاتی كوردستان لەدایكبووە، لە فینلەندا گەورە بووە و ئێستاش لە ولایەتە یەكگرتووەكانی ئەمریكا لەژێر سەرپەرشتی یەكێك لە بەناوبانگترین مامۆستاكانی هونەر، كە The – Dreamە كاری هونەری دەكات.
هێڵی كە ئێستا لە شاری هەولێرە بە مەبەستی ئەنجامدانی كاری هونەری و كاری مرۆیی، لە ماوەی رابردوودا كۆتایی بە كارەكانی كلیپی گۆرانییەكی ئینگلیزی بە ناوی (risk it all) هێنا. هێڵی ڵەڤ لە كلیپەكەدا داوا لە ژنانی كورد دەكات نەترسێن، هەر بە تاتۆش لەسەر لاملی خۆی نووسیوە "نەترسێن".
Hellyluvـە نەك hell love
ئەو گۆرانیبێژە ناوی هێلان عەبدوڵڵایە، بەڵام ناسناوی هێڵی ڵەڤە، ئەو پێشتر لە بارەی ناوەكەی بە (رووداو)ی گوتبوو "هێڵی" كورتكراوەی ناوی خۆم (هێلان)ە، ڵەڤیش پاشگرە كە بە زمانی ئینگلیزی واتا خۆشەویستی، هیچ وشەیەكم نەدۆزییەوە كە ماناكەی لە مانای خۆشەویستی بەهێزتر بێت، بۆیە ئەو نازناوەم بۆ خۆم هەڵبژارد.
بەڵام زۆر لەوانەی كە قسەیان لەسەر كلیپەكە كردووە لە تۆڕە كۆمەڵایەتییەكان، نووسیویانە هێڵی ڵەڤ، بە مانای "خۆشەویستی جەهەننەم – hell love" دێت. هێڵی لەو بارەیەوە گوتی "خۆم ناوم هێلانە، زۆركەس لە خۆشەویستی پێمدەڵێن هێڵی، ڵەڤیش پاشگرێكە بۆ ناوەكەم و هەموومان دەزانین مانای چییە، هیچ وشەیەكیشم نەدۆزییەوە كە ماناكەی لە مانای خۆشەویستی بەهێزتر بێت".
هەر لە كلیپەكەی هێڵیدا هێمایەك دەردەكەوێت كە بریتییە لە هەڕەمێكی هەڵگەڕاوە و وێنەی سەری پشیلەیەكی رەشی تێدایە، زۆر كەس ئەوەی بە نیشانەی ماسۆنیەت لێكداوەتەوە.
نیشانەی مێینەیە
هێڵی لەوبارەیەوە دەڵێت "ئەگەر هێماكانی ناو كلیپەكەم تەعبیر لە ماسۆنیەت بكات، ئەوا دەبێت هەرچی سێگۆشە هەیە قەدەغە بكرێت، وەك پەنیری سێگۆشە، خانووی سێگۆشە و زۆر شتی دیكە، هێماكانی ماسۆنیەت لە هی من جیاوازە، ئەوەی من سێگۆشەیەكی سەرەو ژێرە و پشیلەیەكی لەناوە كە زیاتر سیمبولی مێینەیە نەك هێمای ماسۆنیەت".
هێڵی ڵەڤ رەتیكردەوە كە ئەو ماسۆنی بێت و دەڵێت "من ماسۆنی نیم و هیچ زانیاریەكی وام سەبارەت بە ماسۆنیەت نییە، بەڵام وەك گوێم لێبووە لە ساڵانی هەشتاكانەوە مۆدێلی ماسۆنیەت نەماوە لە ئەمریكا و ئەوروپا".
هێڵی ڵەڤ پێیوایە زۆربەی خەڵكی كوردستان هیچ شتێك لەبارەی ماسۆنیەت نازانن. گوتیشی "ئەوانەی ئەو پڕوپاگەندانەیان بڵاوكردووەتەوە گوایە من بانگەشەی ماسۆنیەت دەكەم، ئەوانە خۆیان ماسۆنین و دەیانەوێت لەسەر حسابی من بازاڕی ماسۆنیەت گەرم بكەن".
هێڵی ڵەڤ باسی ناوەڕۆكی كلیپەكەی دەكات و دەڵێت "من ویستوومە كارێكی جیاواز بكەم و پێشانی هەموو جیهانی بدەم كە كورد ئافرەتی بەهێزی هەیە و شان بە شانی پیاوان بەشداری شەڕی كردووە، ناونیشانی كلیپەكەش زۆر بە ئاسانی دیارە كە مەبەستی لەوەیە مرۆڤ دەچێتە ناو شەڕ بێ ئەوەی بزانێ دەمرێت یان دەژیت".
هێڵی ڵەڤ ئاماژەی بەوەدا كە خەڵكێكی زۆریش لەسەر ئەو كارە دەستخۆشییان لێكردووە، بۆیە ئەوەش وەكو پاڵپشتێك بۆ خۆی دەبینێت و دەڵێت ئەو پڕوپاگەندانە نایترسێنن و ساردی ناكەنەوە "هەرگیز نەترساوم و ناشترسم لە هیچ شتێك، چونكە ئەگەر تۆ كارێكی وا مەزن بكەی ئەوا دەبێت لە هیچ شتێك نەترسی".
هێڵی لەڤ لە كلیپەكەیدا شێری بەكارهێناوە و دەڵێت "شێر بە مانای چاونەترسی و ئازایەتی و بەهێزی دێت، تا ئێستا هیچ هونەرمەندێكی كورد شێری راستەقینەی لە كلیپدا بەكارنەهێناوە". گوتیشی "بە نامە لە وڵاتانی عەرەبی، لە ئەمریكاو ئەوروپاوە دەستخۆشیم لێدەكرێت و داوا دەكەن بچمە وڵاتەكەیان".