لە هەولێر شەوەئاهەنگێک بۆ نانسی عەجرەم سازدەکرێت

 

وائیل ئەحمەد، رێکخەری کۆنسێرتەکە، بە رووداوی راگەیاند، لە درێژە کۆنسێرت و شەوەئاهەنگەکانیاندا بۆ هونەرمەندانی کورد و بیانی، ئەمجارە، شەوەئاهەنگێک بۆ نانسی عەجرەم، هونەرمەندی ناسراوی لوبنانی لە هەولێر دەگێڕێن.

 

ئاماژەی بۆ ئەوەشکرد، شەوەئاهەنگەکە لە 16ـی تشرینی دووەمی 2023 سازدەکرێت، تێیدا هونەرمەند گوڵبژێرێک لە بەرهەمە کۆن و نوێیەکانی پێشکێش بە هەوادارانی لە هەولێر دەکات.

 

'تجي ننبسط' نوێترین ڤیدیۆکلیپی نانسی عەجرەمە کە لە 8ـی ئابی 2023 بڵاوکرایەوە و زیاتر لە 12 ملیۆن بینەری لە یوتیوب هەیە. 

 

نانسی عەجرەم لە 2011 بۆ یەکەمجار سەردانی باشووری کوردستانی کرد و کۆنسێرتێکی لە هەولێر سازکرد.