ئالین ستایلی خۆی دەگۆڕێ
رووداو- هەولێر
ئالین، كچە گۆرانیبێژی خەڵكی رۆژئاوای كوردستان سەرقاڵی كلیپێكە كە باس لە پەیوەندیی باشی كورد و ئەڵمانەكان دەكات.
ئالین دەیەوێت بە گۆرانییەك سوپاسی ئەو هاوكاری و پاڵپشتیەی ئەڵمانەكان بۆ كورد بكات لە شەڕی دژی داعش و دەڵێت "وەك سوپاسگوزارییەك بۆ هاوكارییە سەربازییەكانی ئەڵمانیا گۆرانییەكم بە هەردوو زمانی كوردی و ئەڵمانی بەناوی برایەتی ئامادە كردووە، لەم ماوەیە هەموو كارەكانی تەواو دەبێت و بڵاوی دەكەمەوە".
ئالین جگە لەو كارەی، ئامادەكاری بۆ كلیپێكی دیكە دەكات كە بە زمانی كوردی و ئینگلیزییە و گوتی" لەم دوو كارەمدا ستایلی خۆم بە تەواوی گۆڕیوە و لە كارەكانی پێشووترم زۆر جیاوازە".