راپەڕینی كورد دەبرێتە سینەما
رووداو -هەولێر
فیلمی سینەمایی هیوا، كە باس لەراپەڕینە مەزنەكەی گەلی كورد لەساڵی 1991دەكات بەمزووانە نمایش دەكرێ.
سەدار خەلیل، دەرهێنەری ئەو فیلمە، بە (رووداو)ی گوت "فیلمی سینەمایی هیوا بەكامێرای رید وێنەی گیراوەو ستافی پشت كامێرا بەریتانین، لەكوردستان كاری وێنەگرتنی بۆ كراوە و نزیكەی 300 كۆمبارسی هەیە".
چەندین ئەكتەری كورد بەشدارییان لەو فیلمەدا كردووە، لەوانەش عومەر دڵپاك، نزار سەلامی، ژیان ئیبراهیم، كاوە قادر و سۆلین دڵپاك. وا بڕیارە بەمزووانە فیلمەكە لە ستی سینەما لە شاری سلێمانی نمایش بكرێ.