میران عەلی هەفتەی داهاتوو ڤیدیۆکلیپی 'بۆت نییە' بڵاودەکاتەوە

 

ئەم بەرهەمە لە تێکستی مازیار فایقە و لە ئاوازی زانیار راپەرە و ئاریۆ مودەریسی کاری میوزیک و ئومێد راهرۆ کاری میکس و ماسترینگی بۆ کردووە.

 

ڤیدیۆکلیپی 'بۆت نییە' لە دەرهێنانی محەممەد بازە و کاژێر 9:00 شەوی یەکشەممەی داهاتوو 28-8-2022 لە کەناڵی تایبەتی میران عەلی لە یوتیوب بڵاودەکرێتەوە.

 

دیمەنی باکستێج و تیزەری ئەم بەرهەمە بۆ یەکەمجار لە رووداو بڵاودەکرێتەوە، تێیدا چەند دیمەنێکی کاتی وێنەگرتن و میران عەلی و ستافی کاری ڤیدیۆکلیپەکە دەردەکەون.

 

میران عەلی، لە 2-7-2022 دوایین بەرهەمی بەشێوەی ڤیدیۆکلیپ بەناوی 'ئاخ ئەمان' بڵاوکردەوە کە بە شێوەزاری بادینی گوتراوە و لە ئاوازی هەڤاڵ ئیبراهیم و لە تێکستی یوسف رەمەزانە، زیاتر لە 520 هەزار جار لە کەناڵی تایبەتی میران عەلی لە یوتیوب بینراوە.

 

میران عەلی، لە دایکبووی سلێمانییە، تاوەکو ئێستا چەندین بەرهەمی بڵاوکردووەتەوە، بەناوبانگترینیان 'شەوت شاد بێ' و 'خۆشمدەوێی' و بەرهەمی دوێتی لەگەڵ هونەرمەندان بەختیار ساڵح، عەلی جان، رۆژین و عەزیزی وەیسی بڵاوکردووەتەوە.

 

میران عەلی میوانی بووڵتەنی هونەری رووداو بوو کە رۆژانە لە کاژێر 10:40 بەیانی لەلایەن بانوو دڵشاد پێشکێشکدەکرێت، تێیدا تیشکی خستە سەر نوێترین بەرهەمی.