بەوێنە.. خاوەنی سناپ چات دەچێتە ژیانی هاوژینییەوە

دەرباز یونس
رووداو - AP

مێراندا کێر، ئەستێرەو نمایشکاری بەناوبانگی ئوسترالی کە بە نمایشکاری بەرهەمەکانی ڤیکتۆریا سێکرێت ناسراوە، گۆڕینەوەی ئەلقەی هاوسەرگیری لەگەڵ خاوەنی سناپ چات راگەیاند.

مێراندا کێر، لە لاپەڕەی تایبەتی خۆی لە تۆڕی کۆمەڵایەتی ئینستاگرام، وێنەی ئەلقەی هاوسەرگیری خۆی داناوەو لە وێنەکەشدا فلتەری سناپ چاتی بەکارهێناوە، لەسەریشی نووسیوە، "من گوتم بەڵێ"، ئەمە بەو مانەیەی کە ئەلقەی هاوسەرگیری گۆڕیوەتەوە.

 


میدیاکانی جیهان باس دەکەن، ئێڤان سپێیگێل-ی خاوەن و بەڕێوەبەری گشتی کۆمپانیای سناپ چات، تەمەنی 26 ساڵەو یەکەم جاریەتی بچێتە ژیانی هاوژینییەوە، ئەمە لە کاتێکدا کە مێراندا کێر-ی تەمەن 33 ساڵ لە ماوەی رابردوو لەگەڵ ئەکتەری جیهانی ئۆرلاندۆ بڵۆم ژیانی هاوسەرگیری پێکهێناو ٥ ساڵ بەیەکەوە ژیان.