بەڵگەفیلمێک لەبارەی سیلین دیۆن و نەخۆشییەکەی بڵاودەکرێتەوە

 

'I Am: Celine Dion' ناوی بەڵگەفیلمەکەیە کە و پلاتفۆڕمی ئەمازۆن بەنیازە بڵاوی بکاتەوە، بەڵام وادەی بڵاوکردنەوەی ئاشکرا نەکراوە.

 

لەلایەکی دیکەوە، بەم دواییە ئەو هونەرمەندە سەرقاڵی راهێنان بوو بۆ ئەوەی دووبارە دەست بە گۆرانیگوتن بکاتەوە.

 

ئەو هونەرمەندە بەهۆی نەخۆشییەکەوە ناتوانێت کۆنترۆڵی ماسولکەکانی بکات و بەهۆیەوە ناتوانێت بە باشی رێبکات و دەنگی بۆ گۆرانیگوتن بەکاربێنێت، بەڵام دیۆنی 55 ساڵ دەڵێت، ئەمە کاریگەری لەسەر خەونەکەی نییە کە لە رێگەی راهێنان و چارەسەری فیزیاییەوە بگەڕێتەوە سەر گۆرانیگوتن.

 

دیۆن، بەهۆی نەخۆشییەکەیەوە، تەواوی کۆنسێرت و گەشتە هونەرییەکانی لە 2022 هەڵوەشاندەوە.

 

سیلین دیۆن، لە 30ـی ئازاری 1968 لە کەنەدا لەدایکبووە، 200 ملیۆن کۆپی لە بەرهەمەکانی لە سەرتاسەری جیهاندا فرۆشراون، سەرەتا بە فەرەنسی گۆرانی گوتووە و لە 1982 لە دوای خەڵاتکردنی لە فێستیڤاڵی نێودەوڵەتیی یاماها بۆ گۆرانی میللی و پێشبڕکێی یۆرۆڤیژن لە 1988 ناوبانگی پەیداکرد. 

 

لە 1990 یەکەم ئەلبوومی بە زمانی ئینگلیزی بەناوی 'Inison' بڵاوکردەوە و بەهۆیەوە ناوبانگییەکی بەدەستهێنا، بەتایبەت ئەو وڵاتانەی زمانی فەرمییان ئینگلیزییە.

 

لەرێگەی گۆرانی 'My Heart Will Go On' ناوبانگییەکی زۆری بەدەستهێنا و لە فیلمی سینەمایی 'Titanic' بڵاوکرایەوە، براوەی چەندین خەڵاتە، لەوانە پێنج خەڵاتی گرامی.