هەفتەی نمایشی جلوبەرگی لاگۆس کار بۆ پاراستنی ناسنامەی کولتووری ئەفریقا دەکات

 

هەفتە نمایشەکە ساڵانە بازاڕێک بۆ براندە ناوخۆییەکان پەیدا دەکات و تیشک دەخاتە سەر کولتوور و دەستڕەنگینیی ئەفریقییەکان بە رەنگ و شێوازر جیاوازەکانییەوە.

 

هاوا ماگاجی، کەسایەتیی میدیایی و ئەکتەر، دەڵێت: "بە بڕوای من شتێکی زۆر ئایکۆنی و سەرسوڕهێنەرە کە دوای 15 ساڵ هێشتا ئێمە ئەم کارە دەکەین، ساڵی داهاتوو گەورەتر و باشتر دەبێت".

 

هەفتەی نمایشی جلوبەرگی لاگۆس، بووەتە سەکۆیەک بۆ نمایشکردنی بەرهەمی دیزاینەرانی ئەفریقا کە دەیانەوێت ناسنامەی کولتووری ئەفریقا بپارێزن.

 

یەکێک لە خاڵە جێی سەرنجەکانی ئەمساڵی هەفتەی نمایشەکەر، فرەڕەنگی و هەمەجۆریی نمایشکارەکان بوو. تینیکا بۆید، دروستکەری ناوەڕۆکی بواری فاشن، دەڵێت، سەرسامی مۆدێلەکانی ئەمساڵ بووە.

 

بۆید دەڵێت: "فرەیی و قووڵایی هەمەجۆرییەکە زۆر سەرسوڕهێنەرە. جەستەکان، تەمەنەکان، قژ، باڵا، رەنگی پێست، بەڕاستی یەکێکە لە باشترینەکان کە تا ئێستا لە هەموو جیهاندا بینیومە".

 

لە سەرانسەری کیشوەرەکەدا، بواری فاشن لە گەشەکردنی بەردەوامدایە، چ لە رێگەی بەرکاهێنانی لە سینەمادا، یان لە شێوەی بەرهەمهێنانی قوماش، جلوبەرگ، ئێکسیسوارات و کاری دەستیی ورد، کە هەموویان خاوەنی مێژوویەکی درێژن و هێمای کولتووری ئەفریقان.