توێژینەوەیەک: زۆر بەکارهێنانی شاشە دەبێتەهۆی لاوازیی مێشکی منداڵ
رووداو - تەندروستی
توێژینەوەیەک لە کەنەدا ئاشکرای کرد، زۆر بەکارهێنانی شاشەکان لەلایەن منداڵانەوە، دەبێتە هۆی لاوازیی مێشکی منداڵەکە و کەمبوونەوەی توانای فێربوونی، دایکان و باوکان شاشە مەدەرە دەستی منداڵەکەت و دواتریش مەڵی منداڵەکەم لە خوێندن خراپە، خۆتان بەرپرسن لەمە.
توێژینەوەکە لە زانکۆی شێربروک لە کەنەدا ئەنجامدراوە و دەرکەوتووە؛ ئەو منداڵانەی شاشەکان زۆر بەکار دەهێنن، توانای مێشک و فێربوونیان لاواز دەبێت، کواڵیتیی خەویشیان تێکدەچێت.
دکتۆر کارۆلین فیتز پاتریک، سەرپەرشتیاری توێژینەوەکە دەڵێت، ئەو منداڵانەی لەنێو جێگەدا پێش خەوتن شاشەکان بەکار دەهێنن گوشاری دەروونییان بەرز دەبێتەوە و کواڵیتیی خەویشیان تێکدەچێت و زیاتر تووڕە دەبن.