ئاشنا محەممەد لەگەڵ د. لونا خالید قسە دەکات.
رووداو - تەندروستی
خانمێکی رزگاربووی شێرپەنجە باس لەوە دەکات، چۆن بەسەر نەخۆشییەکە زاڵبووە و داواش لە حکومەتی هەرێمی کوردستان دەکات ''هاوکاریی تووشبووانی نەخۆشییە سەختەکان بکات''.
ئەمڕۆ چوارشەممە 1-10-2025 ئاشنا محەممەد، رزگاربووی شێرپەنجەیە و چیرۆکی خۆی لە بووڵتەنی تەندروستیدا دەگێڕێتەوە و دەڵێت، "هەستم دەکرد تەندروست نییە، ماندووبوونێکی زۆر، ئازارێکی زۆری جەستە و ماندووبوونێکی زۆر لە قاچەکانم هەبوو، بۆیە بڕیارمدا پشکنینی بایۆپسی بکەم." دوای دوو رۆژ، ئەنجامی پشکنینەکەی دەریخست کە تووشی شێرپەنجە بووم.
ئاشنا محەممەد، ئاماژە بەوە دەکات کە هەمیشە مۆراڵ و هێزی بەخۆی بەخشیوە بۆ ئەوەی بەسەر نەخۆشییەکەدا زاڵ بێت و دەڵێت، "شێرپەنجە جەنگێکی ئاسایی نییە و توانیم سەرکەوم."
یەکێک لە کێشە سەرەکییەکانی بەردەم ئاشنا محەممەد، نەبوونی دەرمانی پێویست بووە لە هەرێمی کوردستان. ئەو دەڵێت، "دەرمانەکانی شێرپەنجە لە هەرێمی کوردستان نییە و دەچوومە دەرەوە وەرم دەگرت، ئەمەش لەڕووی دەروونییەوە کاریگەریی زۆری خستبووە سەرم." بۆیە داوا دەکات، "حکومەتی هەرێم بودجەیەک تەرخان بکات بۆ ئەو کەسانەی نەخۆشییەکی سەخت دەگرن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ