زانکۆی کوان لە ئوسترالیا: دووجۆری وەرزشکردن گەشەی خانە شێرپەنجەییەکان خاو دەکەنەوە

 

توێژینەوەیەکی نوێی زانکۆی کوان لە ئوسترالیا دەریدەخات کە وەرزشکردن، چ ئەوانەی چڕ و ماوە کورتن وەک راکردنی خێرا و پشوودان، چ ئەوانەی مامناوەند و بەردەوامن وەک رۆیشتن، دەتوانن سیستمی بەرگریی جەستە بۆ هێرشکردنە سەر خانە شێرپەنجەییەکان "دابڕێژنەوە". بەپێی توێژینەوەکە، هەرچەندە هەردووکیان سوودبەخشن، بەڵام وەرزشی چڕ کاریگەریی بەهێزتری هەبووە و قەبارەی گرێی شێرپەنجەیی بە رێژەی 50٪ کەمکردووەتەوە، لە کاتێکدا وەرزشی مامناوەند بە ڕێژەی 45٪ کاریگەریی هەبووە.

 

زانکۆکە ئاماژە بەوەدەکات، لە کاتی وەرزشدا، هۆرمۆنی ئەدریناڵین دەردەدرێت، کە یارمەتیی جۆرێکی تایبەتی خڕۆکەی سپی خوێن بەناوی "خانەی T کوژەر" دەدات بچنە ناو گرێ شێرپەنجەییەکەوە و هێرشی بکەنە سەر.