دوای بەدواداچوونی رووداو، ئامێرێک بۆ سەنتەری شووشتنی گورچیلەی کۆیە دابینکرا

 

ئەمڕۆ پێنجشەممە 4-9-2025 عەبدوڵڵا محەممەد، بەڕێوەبەری سەنتەری گورچیلەی کۆیە بە رووداوی رایگەیاند، "ئامێری سەنتەری گورچیلەی دەستکرد لە کۆیە لەلایەن خێرخوازانەوە دابین کراوە، بە دابینکردنی ئامێری شووشتنەوەی گورچیلە کێشەکانمان بە رادەیەکی بەرچاو کەم بووەتەوە."

 

بەڕێوەبەری سەنتەرەکە ئاماژەی بەوەشکرد، "بە خێرخوازی کێشەکانمان چارەسەر نابێت و دەبێت حکومەت پاڵپشتیمان بکات."

 

سەبارەت بە ژمارەی نەخۆشان و پێداویستییەکانیان، عەبدوڵڵا محەممەد گوتی، "ژمارەی نەخۆشیی شووشتنەوەی گورچیلە بۆ 35 کەس بەرزبووەتەوە. ئێستا 6 ئامێری شووشتنەوەی گورچیلەمان هەیە، بەڵام پێویستیمان بە 12 ئامێرە."