پرۆفیسۆرێکی کورد بەرهەمی 25 ساڵ توێژینەوەی خۆی پێشکێشی زانکۆی سلێمانی کرد

 

 

لە لێدوانێکدا بۆ بەرنامەی دیاسپۆرا، د. بەرهەم شەوکەت رایگەیاند، "ئەم سلایدانە بەرهەمی 25 ساڵ کارکردنی خۆم و هاوڕێکانمە لەسەر ئەو لاشانەی کە دوای مردنیان پێشکێشی زانکۆی کوێلن کراون. بەهۆی زۆریی ژمارەیانەوە کە زیاتر لە 4000 سلایدە و نرخەکەیان زۆر گرانە، بۆ نموونە سێ چوار ساڵ لەمەوبەر داوای 43 هەزار یۆرۆیان کرد بۆ 300 سلاید، بڕیارم دا بیاننێرمەوە بۆ کوردستان تاوەکو خوێندکارانی پزیشکی، پزیشکیی ددان و ڤێتێرنەری لە هەموو زانکۆکانی کوردستان سوودی لێ ببینن و هیوادارم بە یەکسانی دابەش بکرێت."

 

لایەن خۆیەوە، د. فەرەیدوون عەبدولستار، مامۆستای کۆلێژی ڤێتێرنەری لە زانکۆی سلێمانی پشتڕاستی کردەوە کە سلایدەکانیان بەدەست گەیشتوون، کە کێشیان 40 کیلۆیە و گوتی، "سلایدەکان لەڕووی کوالێتییەوە زۆر بەرزن، پاک و سافن و سوودێکی زۆریان بۆ خوێندکارانی قۆناخی دووەمی کۆلێژە پزیشکییەکان دەبێت."