توێژینەوەیەک: ڤیتامین c و زینک توندی نیشانەکانی کۆرۆنا کەمناکەنەوە
رووداو- دیجیتاڵ
توێژینەوەیەکی نوێ کە جۆرناڵی جاما بڵاوکراوەتەوە دەرکەوتووە ڤیتامین c و زینک توندی نیشانەکانی پەتای کۆڤید-19 کەمناکەنەوە.
لە سەرەتایی دەرکەوتنی کۆرۆنا بەشێکی خەڵکی پەنای بۆ بەکارهێنانی ڤیتامین سی و زینک بردووە بەوەی سیستەمی بەرگری جەستەیان بەهێزدەکەن و بە توندی تووشی کۆرۆنا نابن.
د. میلیند دێسای، پسپۆڕی نەخۆشییەکانی دڵ لە کلینیکی کلێڤلاند دەڵێت، هیچ کام لە ڤیتامین C و زینک توندی نیشانەکانی کۆرۆنا کەمناکەنەوە.
پسپۆڕە ئەمریکییەکەی نەخۆشییەکانی دڵ روونیدەکاتەوە تەنانەت بە برێکی زۆر بەکارهێنانیان مەترسیی دروستدەکات.
توێژینەوەکان بەردەوامن لە دەرخستنی رۆڵی ڤیتامینەکان و کانزاکان بۆ بەهێزکردنی سیستەمی بەرگری جەستە و بەرەنگاربوونەوەی کۆرۆنا.