پزیشکە سەماکەرەکە بووە وەزیری تەندروستیی هەنگاریا

 

دوای ئەوەی پارتی "تیزا" بە سەرۆکایەتیی پیتەر مایار، سەرکەوتنی لە هەڵبژاردنەکاندا بەدەستهێنا و کۆتایی بە دەسەڵاتی 16 ساڵەی ڤیکتۆر ئۆربان هێنا، دکتۆر هیگیدۆس بە سەمایەکی تایبەت لەبەردەم پەرلەمانی هەنگاریا، بووە سیمبولی خۆشی و گۆڕانکاری لە وڵاتەکەدا و گرتە ڤیدیۆییەکەی بە خێرایی لە تۆڕە کۆمەڵایەتییەکاندا بڵاوبووەوە.

 

دکتۆر هیگیدۆس پزیشکێکی پسپۆڕی ئێسک و شکانە و لە ساڵی 1994 بڕوانامەی پزیشکیی لە زانکۆی سێمێ لوێس لە بوداپێست بەدەستهێناوە، بۆ ماوەی 10 ساڵ لە سیستمی تەندروستیی نیشتمانیی بەریتانیا (NHS) کاری کردووە و پۆستی بەرپرسی بەشی ئێسک و شکانی لە نەخۆشخانەی گشتیی نۆرس مانچستەر لە بەریتانیا وەرگرتووە.

 

دوای گەڕانەوەی بۆ هەنگاریا لە ساڵی 2015، جگە لە کارکردن وەک پزیشک، چالاکانە بەشداریی لە کەمپەینەکانی داکۆکیکردن لە مافی پزیشکان و نەخۆشاندا کردووە و دژی گەندەڵی و پێدانی بەرتیل لە کەرتی تەندروستیدا وەستاوەتەوە.

 

 

زیادکردنی شەفافیەت 

گرنگیدان بە رەوشتی پزیشکی

کەمکردنەوەی هەوکردنەکان

کۆتاییهێنان بە کولتووری تۆمەتبارکردن

زیادکردنی مافی نەخۆش