رووداو - تەندروستی
توێژینەوەیەک لە زانکۆی هارڤارد دەریدەخات، پابەندبوون بە سیستمی خۆراکیی دەوڵەمەند بە سەوزە و میوە لە گەنجیدا، ئەگەری پیربوونێکی تەندروست و دوور لە نەخۆشییە درێژخایەنەکان بەشێوەیەکی بەرچاو زیاد دەکات.
توێژینەوەیەک لە زانکۆی هارڤارد ئەنجامدراوە پشتی بە داتای زیاتر لە 105 هەزار کەس بەستووە، کە بۆ ماوەی 30 ساڵ بەدواداچوونیان بۆ کراوە و دەرکەوتووە، پەیوەندییەکی بەهێزی لەنێوان پەیڕەوکردنی خۆراکی تەندروست لە تەمەنی گەنجیدا و گەیشتن بە پیرییەکی تەندروست، دۆزیوەتەوە.
هەر لە توێژینەوەکەدا هاتووە ئەو گەنجانەی خۆراکی تەندروست دەخۆن لەکاتی گەیشتنیان بە تەمەنی 70 ساڵی و سەرووتر، دووردەکەونەوە لە نەخۆشییە درێژخایەنەکانی وەکو نەخۆشییەکانی دڵ، شێرپەنجە و شەکرە، هەروەها لە رووی دەروونییەوە ئارامتریان دەکات.
د. فرانک هو پسپۆڕی خۆراک و سەرپەرشتیاری توێژینەوەکە دەڵێت " توێژینەوەکانی پێشووتر زیاتر سەرنجیان لەسەر خۆپاراستن بوو لە نەخۆشییە دیاریکراوەکان، بەڵام ئەم توێژینەوەیە دەریدەخات چۆن خۆراک کاریگەریی لەسەر توانای مرۆڤەکان هەیە بۆ چێژوەرگرتن لە ژیان".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ