تەندروستیی زاخۆ: سەنتەری دەستنیشانکردنی شێرپەنجە 10%ی کارەکانی ماوە

 

ئەمڕۆ چوارشەممە 15-10-2025 گوتەبێژی تەندروستیی زاخۆ، ئەمیر عەلی بە رووداوی راگەیاند، "هەڵمەتی لونای پەمەیی کارێکی زۆر جوانە و پشتیوانی دەکەین."

 

ئەمیر عەلی، گوتی، "سەنتەری پێشوەختی دەستنیشانکردنی شێرپەنجە لە زاخۆ دەکرێتەوە و بینایەکە تەنیا 10% کارەکانی ماوە و کارکردن تێیدا بەردەوامە."

 

لەبارەی پشکنینی ئێستا، گوتەبێژەکەی تەندروستیی زاخۆ ئاماژەی بەوەدا، خانمانی زاخۆ دەتوانن لە تاقیگەی زاخۆی گشتی پشکنینی پێشوەختەی شێرپەنجەی مەمکیان بۆ بکرێت.

 

سەبارەت بە ئامارەکان، ئەمیر عەلی، ئاماژە بەوەدەکات، "لەبەر ئەوەی بۆ چارەسەری شێرپەنجە دەبێت سەردانی دەرەوەی زاخۆ بکرێت ئامارێکی ورد بەردەست نیە."

 

لە کۆتاییدا، داوای لە هەموو هاونیشتمانییان کرد پشکنینی پێشوەختەی شێرپەنجەی مەمک بکەن.