لە وان رێژەی سەرکەوتن لە سەنتەری وازهێنان لە جگەرەکێشان 93٪ ـە

 

سەنتەری تەندروستیی دورسون ئۆداباش لە زانکۆی یوزونجویل لە شاری وان بەشی وازهێنان لە جگەرەکێشانی کردووەتەوە و پرۆفیسۆرێک و حەوت پزیشکی پسپۆڕ کاردەکەن.

 

چارەسەری دەروونی و دەرمان بەکاردێت بۆ یارمەتیدانی خەڵک بۆ وازهێنان لە جگەرە و رێژەی سەرکەوتنیش %93 ـە.  

 

کامەران کارامان، سەرۆکی پزیشکی بەشی وازهێنان لە جگەرەکێشان دەڵێت: "وەک دەزانن جگەرەکێشان دەبێتەهۆی چەندین نەخۆشی کوشندە، بەتایبەتی نەخۆشییەکانی دڵ و خوێنبەرەکان، هەروەها دەبێتە هۆی زۆرێک لە نەخۆشییە درێژخایەنەکان کە کواڵیتی ژیانی مرۆڤ کەم دەکەنەوە. هەر بۆیە زۆر گرنگە مادەیەکی کیمیایی کە دەبێتەهۆی مردن و کەمکردنەوەی کواڵیتیی ژیانی مرۆڤ، لە ژیانی مرۆڤدا لاببرێت". 

 

ئەو کەسانەی دەیانەوێت واز لە جگەرەکێشان بێنن، سەر لەم سەنتەرە دەدەن و هەموو جۆرە هاوکارییەکیان پێشکەش دەکرێت.

 

بوکێت مەرمیت، جێگری سەرۆکی پزیشکی نەخۆشخانەکە دەڵێت: "کلینیکی وازهێنان لە جگەرەکێشان، خزمەتگوزاریی تایبەت پێشکەش بەو کەسانە دەکات کە دەیانەوێت واز لە جگەرەکێشان بێنن و پرۆسەکە خێراتر دەکات. هەرچەندە کاتی وازهێنان لە جگەرەکێشان بەپێی ئالوودەبوون و پاڵنەرەکانی تاکەکەس دەگۆڕێت، بەڵام بە پشتیوانیی پسپۆڕان بەڕێوەبردنێکی کاریگەر دەکرێت".

 

بەپێی ئامارەکانی رێکخراوی تەندروستیی جیهانی، لە تورکیا و باکووری کوردستان جگەرەکێشان هۆکاری مردنی 30٪ـی پیاوان و 12٪ـی ژنانە.