دکتۆر لونا خالید - د. سروە عەبدولڕەزاق
رووداو - تەندروستی
د. سروە عەبدولڕەزاق، پسپۆڕی نەخۆشییەکانی خانمان و منداڵبوون، چەند رێنماییەک بۆ کەمکردنەوەی نیشانەکانی قۆناخی وەستانی هەمیشەیی سووڕی مانگانە دەخاتەڕوو و جەخت لەسەر گرنگیی پاڵپشتیی دەروونی و سیستمی خۆراکیی گونجاو دەکاتەوە.
ئەمڕۆ شەممە 20-9-2025 د. سروە عەبدولڕەزاق لە بووڵتەنی تەندروستی رایگەیاند، "بۆ کەمکردنەوەی نیشانەی گەرمبوونی لەناکاو، پێویستە خانمان شەوان لە شوێنێکی فێنکدا بخەون، پۆشاکی تەنک بەکاربهێنن، زوو زوو خۆیان بشۆن و لە خواردنی تیژ، چای گەرم و کافاین دووربکەونەوە".
سەبارەت بە لایەنی دەروونی، د. سروە عەبدولڕەزاق، ئاماژەی بەوەکرد کە تووشبوون بە خەمۆکی لەم قۆناخەدا ئاساییە و گوتی: "پێویستە خانمان لەو شتانە دووربکەونەوە کە تووشی دڵتەنگییان دەکات و زیاتر قسە لەگەڵ کەسە نزیکەکانیان بکەن." هەروەها جەختی لەوە کردەوە کە "پاڵپشتیی پیاوان بۆ هاوژینەکانیان لەم کاتەدا زۆر گرنگە."
لە رووی خۆراکەوە، ئەو پسپۆڕە رێنمایی دەدات بە خواردنی دۆشاوی توو و تەحین کە سوودبەخشن، لە هەمان کاتدا دەڵێت: "پێویستە خانمان لە خواردنی هەنجیر، خورما و کاڵەک دووربکەونەوە و زیاتر گرنگی بە خۆراکە مزرەکان بدەن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ