رووداو - تەندروستی
ئەمڕۆ سێشەممە 25-02-2025، لە سلێمانی دەرچووانی دانەمەزراوی کۆلێژی پزیشکی ئەمرۆ دووبارە خۆپیشاندانیان کرد و داوای دامەزراندن دەکەن.
رەوا قوربانی، دەرچووی دانەمەزراو دەڵێت؛ داواکارییان پێشکێش بە تەندروستیی سلێمانی کردووە و تا ئێستا هیچ لایەنێکی پەیوەندیدار وەڵامی نەداونەتەوە.
ئەم دەرچووە دانەمەزراوە دەشڵێت؛ ئەگەر ئەوان دانەمەزرێن دۆخی پزیشکان چەقبەستوو دەبێت و کەس ناتوانێت ببێت بە پسپۆڕ و پزیشکانی نیشتەجێی خولاویش پلەکانیان بەرز ناکرێتەوە.
لەبارەی دامەزراندنی پزیشکان سەرخێڵ ئاراس، یاریدەدەری بەڕێوەبەری تەندروستیی سڵێمانی، دەڵێت؛ بە نوسراوی فەرمی داوایان بەرزکردووەتەوە بۆ وەزارەتی تەندروستی بەڵام دامەزراندن لە دەستی ئەواندا نییە و دەشڵێت؛ پێویستیان بە پزیشک هەیە.
لە هەرێمی کوردستان 7 زانکۆ بەشی پزیشکییان هەیە، ساڵی رابردوو 778 خوێندکاری پزیشکیی گشتییان هەبووە و هیچیان دانەمەزراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ