بنکەیەکی تەندروستی لە سێبیران دەکرێتەوە
هەولێر - تەندروستی
ئومێد خۆشناو پارێزگاری هەولێر، بەردی بناخەی بنکەیەکی تەندروستی لە گەڕەکی سێبیرانی شاری هەولێر دانا، کە لەسەر ئەرکی خێرخوازێک دروستدەکرێت و خزمەتگوزاریی تەندروستی پێشکێش بە هەزاران دانیشتووی سنوورەکە دەکات.
ئەمڕۆ شەممە 25-10-2025 لە رێوڕەسمی دانانی بەردی بناخەی پڕۆژەکە، ئومێد خۆشناو، پارێزگاری هەولێر رایگەیاند، " ئەرکی درووستکردنی بنکەکە لەلایەن بنەماڵەی خێرخوازی حاجی مەحمود سێبیرانی لە ئەستۆگیراوە."
بە گوتەی پارێزگاری هەولێر، پڕۆژەکە خزمەتگوزاریی تەندروستی پێشکێش بە نزیکەی 3 هەزار هاونیشتمانیی دانیشتووی گەڕەکی سێبیران و دەوروبەری دەکات.
ئومێد خۆشناو هیوای خواست هاونیشتمانیان تەندروست بن و گوتی، "هیوادارم کەس پێویستی بە نەخۆشخانە و بنکەی تەندروستی نەبێت."