دکتۆر لونا خالید - د. عەونی زێباری، پسپۆڕی نەخۆشییەکانی هەناو
رووداو - تەندروستی
پسپۆڕێکی نەخۆشییەکانی هەناو، نیشانە و هۆکارەکانی تووشبوون بە کۆڵۆن و درووستبوونی گازی گەدەی روونکردەوە و ئامۆژگاریی خۆراکی پێشکەشکرد.
ئەمڕۆ سێشەممە 28-10-2025 د. عەونی زێباری، پسپۆڕی نەخۆشییەکانی هەناو، لە بوڵتەنی تەندروستی رایگەیاند "نیشانەکانی کۆڵۆن وەک ئازاری سک هەفتەی 1 رۆژ بۆ ماوەی 3 مانگ یان زیاتر بەردەوامبێت. هەروەها، ئازاری سکەکە بەردەوامبێت لەگەڵ پیسایی کردن، گۆڕان لە شێوەی پیسایی و چەند جارێک پیسایی کردن لە رۆژێکدا لە نیشانە دیارەکانن.
سەبارەت بە هۆکارەکانی درووستبوونی گازی گەدە، د. عەونی زێباری چەندین خاڵی خستەڕوو. وەک خواردن بە خێرایی و خواردنی زۆر، پاڵکەوتن دوای خواردن، کەمکردنی ئاو خواردنەوە و نەجووڵان بە هۆکاری سەرەکی درووستبوونی گازی گەدە و کۆڵۆن دانا.
ئەو پسپۆڕی نەخۆشییەکانی هەناو، بنیشت جووین و دەمکردنەوە لەکاتی خواردنی خۆراک وەک یەکێک لە هۆکارەکانی تووشبوون بە کۆڵۆن و گازی گەدە ناساند.
لەبارەی خۆراکی گونجاوەوە، د. عەونی زێباری رایگەیاند کە ئەو خواردنانەی سوودیان هەیە بۆ کۆڵۆن وەک سەوزە و میوەن، بەڵام سێو، خۆخ و هەرمێ سوودیان نییە چونکە شەکری فرەکتۆزی زۆریان تێدایە و دەبنە هۆی زیادبوونی کێشەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ