ژینگەی هەولێر بەڕێگەیەکی جیاواز هۆشیاری لەبارەی شیبوونەوەی پاشماوەکان بڵاو دەکاتەوە

 

بەپێی ئەو زانیارییانەی لەسەر تابلۆکە نووسراون، شیبوونەوەی شووشە پێویستی بە 4000 ساڵە و پلاستیکیش 1000 ساڵی دەوێت. هەروەها، بنێشت 5 ساڵ، جگەرە 2 ساڵ و کاخەزیش 3 مانگی پێویستە تاوەکو بەتەواوی لەناودەچن و شی دەبنەوە.

 

رێباز محەممەد، هاونیشتمانییەک، ئاماژە بە گرنگیی ئەم هەنگاوە دەدات و دەڵێت، "بوونی ئەو جۆرە هۆشیارکردنەوانە زۆر گرنگە. هەر کەسێک ببینێت جگەرەیەک پێویستی بە 2 ساڵە بۆ شیبوونەوە، پێویستە بیر لە وازهێنان لە جگەرەکێشان بکاتەوە."

 

ئەو هاونیشتمانییە پێشنیازی ئەوەش دەکات کە "هۆشیاریی ژینگەیی لە قوتابخانەکانیشدا بڵاوبکرێتەوە" بۆ ئەوەی نەوەی نوێ گرنگیی پاراستنی ژینگە بزانێت.